(vovworld) –  ວັນ​ທີ 24/1, ຢູ່​ນະຄອນຫຼວງ ປາຣີ, ປະ​ເທດ ຝຣັ່ງ, ສະຖານທູດ​ຫວຽດນາມ ປະຈຳ ປາຣີ ຈັດ​ຕັ້ງ​ພິທີ​ສະ​ເຫຼີ​ມສະຫຼອງ 40 ປີ​ແຫ່ງ​ວັນ​ເຊັນ​ສັນຍາ ປາຣີ. ​ເຂົ້າ​ຮ່ວມ​ພິທີ​ມີ​ທ່ານ​ເອກ​ອັກຄະ​ລັດຖະທູດ​ຫວຽດນາມ ປະຈຳ ຝຣັ່ງ ​ເຢືອງຈີ໋ຢູງ, ທ່ານເອກ​ອັກຄະ​ລັດຖະທູດ ສ. ຝຣັ່ງ ປະຈຳ ຫວຽດນາມ Jean Noel Poirier, ທ່ານເອກ​ອັກຄະ​ລັດຖະທູດ ​ເຢືອງວັນ​ກວາງ, ຫົວໜ້າ​ຄະ​ນະ​ປະຈຳ​ຂອງຫວຽດນາມ ຢູ່ UNESCO, ທ່ານ Pierre Laurent, ສະມາຊິກ​ສະພາ​ສູງ, ​ເລຂາທິການ​ທົ່ວ​ປະ​ເທດ​ພັກ​ກອມ​ມູນິດ​ຝຣັ່ງ ພ້ອມ​ກັບ​ຜູ້​ຕ່າງ​ໜ້າ​ບັນດາ​ສະມາຄົມ, ຄະນະມິດຕະພາບ ​ແລະ ສາມັກຄີ​ກັບ ຫວຽດນາມ ພ້ອມ​ກັບ​ຊາວ ຫວຽດນາມ ອາ​ໄສ​ຢູ່ ຝຣັ່ງ ທີ່​ເຄີຍ​ເຂົ້າ​ຮ່ວມການ​ຊ່ວຍ​ເຫຼືອ​ຄະນະ ​ແລະ ​ເພື່ອນ​ມິດ ຝຣັ່ງ ທີ່​ຮັກຫອມ​ ຫວຽດນາມ ​ເປັນ​ຈຳນວນ​ຫຼວງ​ຫຼາຍ. ​ເນື່ອງ​ໃນ​ໂອກາດ​ນີ້, ສະຖານທູດ ຫວຽດນາມ ປະຈຳ ຝຣັ່ງ ​ໄດ້​ຈັດ​ຕັ້ງ​ງານ​ວາງສະ​ແດງ​ຮູບ​ພາບ​ກ່ຽວ​ກັບ​ການ​ເຄື່ອນ​ໄຫວ​ຂອງ 2 ຄະນະ​​ເຈລະຈາ ຫວຽດນາມ ກໍ່​ຄື​ບັນດາ​ບົດ​ໜັງສືພິມ ກ່ຽວ​ກັບ​ວິວັດ​ການ​ເຈລະຈາ​ສັນຍາ ປາຣີ ທີ່​ລົງ​ພິມ​​ໃນ​ໜັງສືພິມ​ທ້ອງ​ຖີ່​ນສະບັບ​ຕ່າງໆ, ຊີ້​ແຈ້ງ​ການ​ຕໍ່ສູ້ອົງ​ອາດ​ກະ​ແກ່ນ ​ແລະ ຍືດ​ເຍື້ອຍາວ​ນານ ຂອງ​ປະຊາຊົນ​ຫວຽດນາມ ​ໃນສະໜາມຮົບ​ການ​ເມືອງ, ການ​ທະຫານ ​ແລະ ການ​ທູດ, ນຳ​ມາ​ເຊິ່ງ​ໄຊຊະນະ​ຂອງ​ກອງ​ປະຊຸມ​ສຳຄັນ​ນີ້.