(vovworld) - ຕອນຄໍ່າວັນທີ 22/11, ຢູ່ນະຄອນວິ້ງລອງ, ໄດ້ດຳເນີນງານໂຮມຊຸມນູມສະເຫຼີທສະຫຼອງ 90 ປີແຫ່ງວັນຄ້າຍວັນເກີດຂອງທ່ານນາຍົກລັດຖະມົນຕີ ວໍວັດກຽດ (Võ Văn Kiệt). ກ່າວຄຳເຫັນທີ່ພິທີ, ທ່ານ ເລຮົ່ງແອງ (Lê Hồng Anh), ຜູ້ປະຈຳການຄະນະເລຂາ ຊີ້ແຈ້ງວ່າ ທ່ານນາຍົກລັດຖະມົນຕີ ວໍວັດກຽດ (Võ Văn Kiệt) ແມ່ນນັກກອມມູນິດຜູ້ຈົ່ງຮັກພັກດີ, ແມ່ນແບບຢ່າງທີ່ດີເດັ່ນ, ການນຳທີ່ມີຄວາມສາມາດ, ມີອິດທິພົນຊື່ສຽງຂອງພັກ ແລະ ລັດ ຫວຽດນາມ, ເປັນລູກດີເດັ່ນຂອງຊາດ. ເກືອບ 70 ປີແຫ່ງການເຄື່ອນໄຫວປະຕິວັດ, ຊີວິດຂອງທ່ານນາຍົກລັດຖະມົນຕີ ວໍວັດກຽດ (Võ Văn Kiệt) ໄດ້ຕິດພັນກັບໄລຍະທາງແຫ່ງການຕໍ່ສູ້ອັນພິລະອາດຫານ, ເຕັມໄປດ້ວຍການເສຍສະຫຼະຄວາມລຳບາກກາກກຳ ແຕ່ສະຫງ່າລາສີຂອງພັກ ແລະ ປະຊາຊົນຫວຽດນາມ. ໃນໄລຍະເຊື່ອມໂຍງເຂົ້າກັບສາກົນຄືປະຈຸບັນ, ພັກ, ລັດຫວຽດນາມ ພວມສືບຕໍ່ເສີມຂະຫຍາຍບັນດາຜົນງານການປະຕິວັດຂອງລຸ້ນກ່ອນໆ ໃນນັ້ນມີທ່ານນາຍົກລັດຖະມົນຕີ ວໍວັດກຽດ (Võ Văn Kiệt). ທ່ານ ເລຮົ່ງແອງ (Lê Hồng Anh) ຜູ້ປະຈຳການຄະນະເລຂາເນັ້ນໜັກວ່າ.
“ຮໍ່າຮຽນຕາມແບບຢ່າງຄຸນສົມບັດ, ພູມປັນຍາ, ຄຸນນະທາດດ້ານການເມືອງ ແລະ ຈິນຕະນາການທີ່ມີຫົວຄິດປະດິດສ້າງຂອງສະຫາຍ ວໍວັດກຽດ (Võ Văn Kiệt), ພວກເຮົາໝັ້ນໝາຍ ຈະຍົກສູງເຈດຈຳນົງປະຕິວັດ, ສາມັກຄີກັນ, ຮ່ວມແຮງຮ່ວມໃຈ, ພະຍາຍາມສູ້ຊົນຝຶກຝົນຫຼໍ່ຫຼອມຄຸນສົມບັດຂອງນັກກອມມູນິດ. ຕັ້ງໜ້າຮໍ່າຮຽນ, ຍົກສູງລະດັບຄວາມຮູ້ທຸກດ້ານ, ປະຕິບັດບັນດາເປົ້າໝາຍ, ໜ້າທີ່ເຊິ່ງມະຕິກອງປະຊຸມໃຫຍ່ຂອງພັກຂັ້ນຕ່າງໆທີ່ໄດ້ຍົກອອກຢ່າງມີໄຊ, ສ້າງຜົນງານທີ່ຍິ່ງໃຫຍ່ ແລະ ຮອບດ້ານກວ່າໃນກິດຈະການປ່ຽນໃໝ່ປະເທດຊາດ.”