(vovworld) - ຕອນຄ່ຳວັນທີ 25/03, ສູນກາງຊາວໜຸ່ມກອມມູນິດໂຮ່ຈິມິນ ໄດ້ຈັດພິທີສະເຫຼີມສະຫຼອງ 85 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດໂຮ່ຈິມິນ (26/03/1931 – 26/03/2016) ແລະ ມອບລາງວັນ ລິ໋ຕື້ຈ້ອງ ປີ 2016. ທີ່ພິທີ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ມອບຂອງຂວັນທີ່ລະນຶກ ແລະ ດອກໄມ້ອວນພອນສະມາຊິກຊາວໜຸ່ມ, ໄວໜຸ່ມໃນທົ່ວປະເທດເນື່ອງໃນໂອກາດນີ້. ກ່າວຄຳເຫັນຢູ່ທີ່ນີ້, ທ່ານ ດິງເທີ໋ຮີນ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ເນັ້ນໜັກວ່າ,
“ຄະນະຊາວໜຸ່ມກອມມູນິດໂຮ່ຈິມິນ ຕ້ອງສົ່ງເສີມ, ລະດົມກຳລັງໃຈຊາວໜຸ່ມສ້າງຄວາມໄຝ່ຝັນ, ກໍ່ຮ່າງສ້າງຕົວ, ມີຈິດໃຈປະຈັນບານ, ເປັນເຈົ້າວິທະຍາສາດ, ເຕັກໂນໂລຊີທີ່ທັນສະໄໝ; ຈັດຕັ້ງຂະບວນການຊາວໜຸ່ມອາສາສະໝັກຢ່າງເລິກເຊິ່ງ, ກວ້າງຂວາງ, ໄວໜຸ່ມມີຫົວຄິດປະດິດສ້າງໃນການສ້າງສາ ແລະ ປົກປັກຮັກສາປະເທດຊາດ. ພ້ອມທັງ, ຄະນະຊາວໜຸ່ມກອມມູນິດໂຮ່ຈິມິນ ຕ້ອງຈັດຕັ້ງໃຫ້ຊາວໜຸ່ມເຂົ້າຮ່ວມການປະຕິບັດບັນດາລາຍການ, ໂຄງການ, ວຽກງານຂອງຊາວໜຸ່ມ, ໂດຍສະເພາະແມ່ນຢູ່ເຂດຫ່າງໄກ່ຊອກຫຼີກ, ເຂດຊາຍແດນ, ເຂດທະເລໝູ່ເກາະຂອງປະເທດຊາດ; ກໍ່ສ້າງບັນດາກິດຈະກຳ, ຜະລິດຕະພັນລະອຽດທີ່ສະແດງໃຫ້ເຫັນຄວາມເກັ່ງກ້າ, ພູມປັນຍາ ແລະ ການອອກແຮງງານຢ່າງມີຫົວຄິດປະດິດສ້າງຂອງຊາວໜຸ່ມ”.
ທີ່ພິທີ, ມີຜູ້ແທນດີເດັ່ນ 85 ຄົນເຊິ່ງແມ່ນເລຂາຊາວໜຸ່ມຂັ້ນເມືອງ, ເລຂາຄະນະຊາວໜຸ່ມຂັ້ນຮາກຖານ ແລະ ສະມາຊິກຊາວໜຸ່ມທີ່ມີຜົນງານດີເດັ່ນໃນການຮ່ຳຮຽນ, ການອອກແຮງງານ, ວຽກງານຊາວໜຸ່ມ… ໄດ້ເປັນກຽດຮັບລາງວັນ ລິ໋ຕື້ຈ້ອງ ປີ 2016.