(vovworld) -ຕອນຄຳ່ວັນທີ 31/10, ຢູ່ນະຄອນ ໂຮ່ຈີມິນ, ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ເຊັກ ນະຄອນ ໄດ້ຈັດຕັ້ງພິທີສະເຫຼີມສະຫຼອງ 95 ປີແຫ່ງວັນສະຖາປະນາ ສ. ເຊັກ (28/10/1918 – 28/10/2013). ທີ່ພິທີ, ບັນດາຜູ້ແທນໄດ້ທົບທວນຄືນສາຍພົວພັນມິດຕະພາບເປັນມູນເຊື້ອທີ່ມີມາແຕ່ດົນນານລະຫວ່າງ 2 ປະເທດ, ຍາມໃດກໍ່ໄດ້ຮັບການຮັກສາ ແລະ ພັດທະນາຜ່ານໄລຍະປະຫວັດສາດຕ່າງໆ. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ Martin Klepetko, ເອກອັກຄະລັດຖະທູດວິສາມັນຜູ້ມີອຳນາດເຕັມ ສ. ເຊັກ ປະຈຳ ຫວຽດນາມ, ຊີ້ແຈ້ງວ່າ:
“ການພົວພັນລະຫວ່າງ 2 ປະເທດພວກເຮົາດີງາມທີ່ສຸດ, ສະແດງໃຫ້ເຫັນຜ່ານແຕ່ລະວຽກງານການເຄື່ອນໄຫວ ແລະ ຂົງເຂດຮ່ວມມືລະອຽດ. ຄວາມສາມັກຄີມິດຕະພາບອັນຍາວນານລະຫວ່າງ ຫວຽດນາມ ແລະ ສ. ເຊັກ ໄດ້ກາຍເປັນກຳລັງໜູນຢ່າງແຮງໃຫ້ແກ່ການຮ່ວມມືພັດທະນາລະຫວ່າງ 2 ປະເທດໃນທຸກຂົງເຂດ. ຂ້າພະເຈົ້າຫວັງວ່າ: ການພົວພັນນີ້ນັບມື້ນັບກ້າວເຂົ້າສູ່ລວງເລິກໃນອະນາຄົດກ່ວາອີກ”
ປະຈຸບັນ, ຫວຽດນາມ ແລະ ເຊັກໄດ້ເຊັນເອກະສານຮ່ວມມືຫຼາຍສະບັບ, ສ້າງໃນພື້ນຖານໃຫ້ແກ່ການພັດທະນາການພົວພັນຮ່ວມມືຍາວນານ, ຕ່າງຝ່າຍຕ່າງມີຜົນປະໂຫຍດ. ພິເສດ, ລັດຖະບານ ສ. ເຊັກ ຫາກໍ່ໄດ້ຮັບຮູ້ປະຊາຄົມຊາວ ຫວຽດນາມ ເປັນຊົນເຜົ່າທີ 14 ຂອງປະເທດນີ້.