(vovworld) - ວັນທີ 21/02, ຢູ່ຮ່າໂນ້ຍ, ໄດ້ດຳເນີນພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງກຳລັງພິທັກຮັກສາຕຳຫຼວດປະຊາຊົນ (16/02/1953 – 16/02/2013) ແລະ ພິທີຮັບຫຼຽນໄຊໂຮ່ຈິມິນ. ກ່າວຄຳເຫັນທີ່ພິທີ, ທ່ານປະທານປະເທດຫວຽດນາມ ເຈືອງເຕີນຊາງ ສະເໜີວ່າ ຕໍ່ໜ້າສະພາບການສາກົນ ແລະ ພາກພື້ນພວມສືບຕໍ່ມີການຜັນແປ່ໄປຢ່າງສັບຊົນຫຼາຍຢ່າງ, ການເຄື່ອນໄວນາບຂູ່ເຖິງຄວາມເປັນເອກະລາດ, ຜືນແຜ່ນດິນອັນຄົບຖ້ວນ, ອະທິປະໄຕເຂດທະເລ, ໝູ່ເກາະພວມເພີ່ມຂຶ້ນ, ດັ່ງນັ້ນກຳລັງພິທັກຮັກສາຕຳຫຼວດປະຊາຊົນຫວຽດນາມ ຕ້ອງມານະພະຍາຍາມສູ້ຊົນ, ສືບຕໍ່ປະຕິບັດວຽກງານສຶກສາດ້ານການເມືອງ, ແນວຄິດ, ຍົກສູງຄຸນນະທາດດ້ານການເມືອງ ແລະ ຄວາມຮັບຮູ້ໃຫ້ແກ່ພະນັກງານ, ນັກຮົບກ່ຽວກັບວຽກງານພິທັກຮັກສາ. ທ່ານປະທານປະເທດເນັ້ນໜັກວ່າ ກຳລັງພິທັກຮັກສາ ຕ້ອງສືບຕໍ່ປ່ຽນໃໝ່ ແລະ ຍົກສູງຄຸນນະພາບວຽກງານວິຊາຊີບ, ຍູ້ແຮງການນຳໃຊ້ບັນດາຜົນງານດ້ານເຕັກໂນໂລຊີເຂົ້າໃນວຽກງານພິທັກຮັກສາ; ຕ້ອງເປີດກວ້າງ ແລະ ເພີ່ມທະວີການພົວພັນຮ່ວມມືກັບກຳລັງປ້ອງກັນຄວາມສະຫງົບ, ກຳລັງພິທັກຮັກສາຂອງບັນດາປະເທດພັດທະນາ ແລະ ປະເທດທີ່ມີການພົວພັນອັນເປັນມູນເຊື້ອ; ສ້າງກຳລັງພິທັກຮັກສາຕຳຫຼວດປະຊາຊົນຫວຽດນາມ ໃຫ້ທຽບເທົ່າກັບກຳລັງພິທັກຮັກສາຂອງບັນດາປະເທດໃນພາກພື້ນ ແລະ ໃນໂລກ.