ສ້າງຕັ້ງສະພາແຫ່ງຊາດກ່ຽວກັບການພັດທະນາແບບຍືນຍົງ
ທ່ານຮອງນາຍົກລັດຖະມົນຕີ Nguyen Thien Nhan ເປັນປະທານສະພາແຫ່ງຊາດກ່ຽວກັບການພັດທະນາ
ພາບ:TTXVN
|
(vovworld) - ທ່ານນາຍົກລັດຖະມົນຕີ ຫາກໍ່ປະກາດໃຊ້ຂໍ້ຕົກລົງກ່ຽວກັບການສ້າງຕັ້ງສະພາແຫ່ງຊາດກ່ຽວກັບການພັດທະນາແບບຍືນຍົງ ແລະ ຍົກສູງກຳລັງຄວາມສາມາດການແກ້ງແຍ້ງ. ອົງການປະຈຳຂອງສະພານີ້ ແມ່ນກະຊວງແຜນການ ແລະ ການລົງທຶນ ຫວຽດນາມ. ສະພາມີຫນ້າທີ່ເປັນເສນາທິການ ແລະ ໃຫ້ຄຳປຶກສາຊ່ວຍລັດຖະບານ, ນາຍົກລັດຖະມົນຕີ ຊີ້ນຳການກໍ່ສ້າງ ແລະ ປະຕິບັດຍຸດທະສາດ, ນະໂຍບາຍ, ບັນດາໂຄງການ, ຫນ້າທີ່ ແລະ ການເຄື່ອນໄຫວກ່ຽວກັບການພັດທະນາແບບຍືນຍົງ ແລະ ຍົກສູງກຳລັງຄວາມສາມາດແກ້ງແຍ້ງ, ຕິດຕາມກວດກາ, ຕີລາຄາການປະຕິບັດບັນດາຈຸດໝາຍພັດທະນາແບບຍືນຍົງຢູ່ ຫວຽດນາມ ຕາມການກຳນົດທິດຍຸດທະສາດພັດທະນາແບບຍືນຍົງ. ພ້ອມທັງຊີ້ນຳບັນດາການເຄື່ອນໄຫວກ່ຽວຂ້ອງເຖິງບັນດາຄຳໝັ້ນສັນຍາຂອງລັດຖະບານ ຫວຽດນາມ ກັບ ສະຫະປະຊາຊາດ ແລະ ສາກົນ ໃນຂອບເຂດການເຄື່ອນໄຫວຂອງທົດສະວັດແຫ່ງການສຶກສາເພື່ອການພັດທະນາແບບຍືນຍົງຂອງ ສະຫະປະຊາຊາດ (ໄລຍະ 2005 -2014), ຈັດຕັ້ງກອງປະຊຸມທົ່ວປະເທດກ່ຽວກັບການພັດທະນາແບບຍືນຍົງ, ກອງປະຊຸມທົ່ວປະເທດກ່ຽວກັບການຍົກສູງກຳລັງຄວາມສາມາດແກ້ງແຍ້ງ.