ສ້າງສາຍໂທລະສັບຕິດຕໍ່ໂດຍກົງລະຫວ່າງກະຊວງປ້ອງກັນປະເທດຫວຽດນາມແລະຈີນ
ທ່ານພົນເອກ ຟຸ່ງກວາງແທງ
(ພາບປະກອບ)
(vovworld) - ຕອນເຊົ້າວັນທີ 31/12, ຢູ່ສຳນັກງານກະຊວງປ້ອງກັນປະເທດຫວຽດນາມ, ທ່ານພົນເອກ ຟຸ່ງກວາງແທງ, ກຳມະການກົມການເມືອງ, ລັດຖະມົນຕີວ່າການກະຊວງປ້ອງກັນປະເທດ ຫວຽດນາມ,ໄດ້ມີການໂທລະສັບໂດຍກົງກັບທ່ານພົນໂທ ຈາງວາງແຈ໋ວງ ລັດຖະມົນຕີວ່າການກະຊວງປ້ອງກັນປະເທດ ຈີນ, ເນື່ອງໃນໂອກາດກະຊວງປ້ອງກັນປະເທດສອງປະເທດ ຫວຽດນາມ ແລະ ຈີນ ສ້າງສາຍໂທລະສັບຕິດຕໍ່ໂດຍກົງຢ່າງເປັນທາງການ ແລະ ສອງປະເທດກະກຽມຕ້ອນຮັບບຸນປີໃໝ່ 2016, ສິ້ນສຸດປີສະເຫຼີມສະຫຼອງ 65 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ.
ທີ່ການໂອ້ລົມທາງໂທລະສັບ, ລັດຖະມົນຕີວ່າການທັງສອງທ່ານຖືວ່າ, ເລື່ອງສ້າງຕັ້ງສາຍໂທລະສັບຕິດຕໍ່ໂດຍກົງນີ້ແມ່ນສະແດງໃຫ້ເຫັນຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ແລະ ສ້າງເງື່ອນໄຂເພື່ອໃຫ້ການນຳກອງທັບສອງປະເທດແລກປ່ຽນບັນດາບັນຫາສຳຄັນໃນການພົວພັນປ້ອງກັນປະເທດສອງຝ່າຍຢ່າງທັນການ. ລັດຖະມົນຕີວ່າການທັງສອງທ່ານຕີລາຄາສູງການພົວພັນຮ່ວມມືປ້ອງກັນປະເທດໃນໄລຍະຜ່ານມາ ແລະ ຖືວ່າ, ການຮ່ວມມືໄດ້ນຳມາເຊິ່ງປະສິດທິຜົນຢ່າງແທດຈິງ. ນີ້ແມ່ນໜຶ່ງໃນບັນາເສົາຄຳ້ທີ່ສຳຄັນໃນການພົວພັນລະຫວ່າງສອງປະເທດ, ປະກອບສ່ວນຮັກສາສະພາບແວດລ້ອມສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ຜົນປະໂຫຍດຂອງປະຊາຊົນສອງປະເທດ. ລັດຖະມົນຕີວ່າການທັງສອງທ່ານເຫັນດີເປັນເອກະພາບ, ໃນໄລຍະຈະມາເຖິງຄວນຊຸກຍູ້ການຮ່ວມມືໃນຂົງເຂດປ້ອງກັນປະເທດກວ່າອີກ, ພິເສດແມ່ນເພີ່ມທະວີການພົວພັນແລກປ່ຽນທຸກຂັ້ນ, ຜັນຂະຫຍາຍບັນດາຂໍ້ຕົກລົງທີ່ໄດ້ຮັບການລົງນາມຢ່າງມີປະສິດທິຜົນ, ປະກອບສ່ວນນຳການພົວພັນຄູ່ຮ່ວມມື, ຮ່ວມມືຍຸດທະສາດຮອບດ້ານຫວຽດນາມ - ຈີນໃຫ້ພັດທະນາຢ່າງປອດໄສ ແລະ ໝັ້ນຄົງ.