ພິທີຕັດແຖບຜ້າເປີດການນຳໃຊ້ ສາຍການບິນໂດຍກົງຮ່າໂນ້ຍ - ພະນົມເປັນ ຢ່າງເປັນທາງການ (ພາບ: VOV)

ດ້ວຍຖ້ຽວບິນໂດຍກົງຫາກໍ່ເປີດ, Vietnam Airlines ແມ່ນບໍລິສັດການບິນອັນໜຶ່ງດຽວຂອງ ຫວຽດນາມ ຂຸດຄົ້ນສາຍການບິນໂດຍກົງ ຮ່າໂນ້ຍ - ພະນົມເປັນ. ເວລາບິນພຽງແຕ່ 1 ຊົ່ວໂມງ 15 ນາທີ. ໃນເມື່ອກ່ອນ, ຜູ້ໂດຍຢາກເດີນທາງແຕ່ຮ່າໂນ້ຍໄປຍັງ ພະນົມເປັນຕ້ອງເສຍເວລາປະມານ 3 ຊົ່ວໂມງ ຍ້ອນຕ້ອງລົງຈອດຢູ່ ວຽງຈັນ (ລາວ) ແລ້ວຈຶ່ງເດີນທາງໄປຕໍ່. ສາຍການບິນໂດຍກົງ ຮ່າໂນ້ຍ - ພະນົມເປັນມີການເຄື່ອນໄຫວ4 ຖ້ຽວ/ອາທິດ ດ້ວຍເຮືອບິນທັນສະໄໝ Airbus A321. ເຂົ້າຮ່ວມພິທີໄຂ, ທ່ານ Mao Havannall, ລັດຖະມົນຕີຮັບຜິດຊອບ ຄະນະກຳມະການແຫ່ງລັດ ກ່ຽວກັບການບິນພົນລະເຮືອນ ກຳປູເຈຍ ໄດ້ຢັ້ງຢືນວ່າ ການເປີດຖ້ຽວບິນໂດຍກົງ ຮ່າໂນ້ຍ - ພະນົມເປັນ ຈະປະກອບສ່ວນປະຕິບັດສຳເລັດການເຊື່ອມຕໍ່ທາງອາກາດ ລະຫວ່າງສອງປະເທດ, ນຳມາເຊິ່ງທາງເລືອກທີ່ດີທີ່ສຸດໃຫ້ແກ່ລູກຄ້າ, ເປັນຕົ້ນແມ່ນບັນດານັກທຸລະກິດ ແລະ ແຂກທ່ອງທ່ຽວຂອງສອງປະເທດກໍຄືສາກົນ.