ສຳເລັດການຕີລາຄາສິ່ງແວດລ້ອມຍຸດທະສາດ, ຜົນກະທົບສິ່ງແວດລ້ອມ ແລະ ຄຳໝັ້ນສັນຍາປົກປັກຮັກສາສິ່ງແວດລ້ອມ
(ທ່ານຮອງລັດຖະມົນຕີກະຊວງຊັບພະຍາກອນ ແລະ
ສິ່ງແວດລ້ອມ ບຸຍແກ໋ກຕວຽນ, ກ່າວຄຳເຫັນທີ່ກອງປະຊຸມ)
(vovworld) – ວັນທີ 19/09, ຢູ່ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ຈັດກອງປະຊຸມລະດັບຊາດກ່ຽວກັບ “ການຕີລາຄາສະພາບແວດລ້ອມຍຸດທະສາດ, ຕີລາຄາຜົນກະທົບຂອງສິ່ງແວດລ້ອມ ແລະ ຄຳໝັ້ນສັນຍາປົກປັກຮັກສາສິ່ງແວດລ້ອມ” ດ້ວຍການເຂົ້າຮ່ວມຂອງບັນດາຜູ້ຕາງໜ້າກະຊວງ, ຂະແໜງການ ແລະ 63 ແຂວງ, ນະຄອນຂຶ້ນກັບສູນກາງ; ບັນດາອົງການສາກົນ…
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ບຸຍແກ໋ກຕວຽນ ເນັ້ນໜັກວ່າ, ວຽກງານຕີລາຄາສິ່ງແວດລ້ອມ, ຕີລາຄາຜົນກະທົບຂອງສິ່ງແວດລ້ອມ ໄດ້ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາສິ່ງແວດລ້ອມ ໃນບັນດາໄລຍະພັດທະນາເສດຖະກິດ, ສັງຄົມຂອງປະເທດຊາດ. ເພື່ອໃຫ້ກົດໝາຍວ່າດ້ວຍການປົກປັກຮັກສາສິ່ງແວດລ້ອມປີ 2014 ເຂົ້າສູ່ຊີວິດຕົວຈິງ ແລະ ເສີມຂະຫຍາຍປະສິດທິຜົນຢ່າງຕັ້ງໜ້າ, ກະຊວງຊັບພະຍາກອນ ແລະ ສິ່ງແວດລ້ອມ ພວມຮີບເຮັ່ງສ້າງຮ່າງມະຕິກ່ຽວກັບການວາງແຜນການປົກປັກຮັກສາສິ່ງແວດລ້ອມ, ຕີລາຄາສະພາບແວດລ້ອມຍຸດທະສາດ ແລະ ຕີລາຄາຜົນກະທົບຂອງ ສິ່ງແວດລ້ອມ ແລະ ສ້າງແຜນການປົກປັກຮັກສາສິ່ງແວດລ້ອມເພື່ອຍື່ນສະເໜີຕໍ່ລັດຖະບານໃນເດືອນ 10/2014. ນີແມ່ນຂັ້ນຕອນພື້ນຖານເພື່ອສຳເລັດບັນດາຂໍ້ກຳນົດກ່ຽວກັບການວາງແຜນການປົກປັກຮັກສາສິ່ງແວດລ້ອມ, ຕີລາຄາສະພາບແວດລ້ອມຍຸດທະສາດ, ຕີລາຄາຜົນກະທົບຂອງສິ່ງແວດລ້ອມ ແລະ ສ້າງແຜນການປົກປັກຮັກສາສະພາບແວດລ້ອມ, ເພື່ອແນໃສ່ເພີ່ມທະວີລະບອບກົດໝາຍໃນການສະກັດກັ້ນ ຕ້ານມົນລະພິດ, ສິ່ງແວດລ້ອມຊຸດໂຊມ ຕໍ່ກັບບັນດາການເຄື່ອນໄຫວການລົງທຶນພັດທະນາ.