(vovworld) - ເນື່ອງໃນໂອກາດສະເຫຼີມສະຫຼອງ 20 ປີແຫ່ງການພົວພັນຫວຽດນາມ - ສ.ເກົາຫຼີ, ທີ່ການຕ້ອນຮັບ ທ່ານປະທານສະມາຄົມມິດຕະພາບສ.ເກົາຫຼີ - ຫວຽດນາມ Choi Yong Joo ທີ່ພວມຢູ່ຢ້ຽມຢາມຫວຽດນາມ. ຕອນບ່າຍວັນທີ 12/11, ທ່ານນາງ Nguyen Thi Bich Ngoc, ຮອງປະທານຄະນະກຳມະການປະຊາຊົນນະຄອນຮ່າໂນ້ຍ ຢືນຢັນວ່າ, ການພົວພັນຮ່ວມມືດ້ານເສດຖະກິດລະຫວ່າງສ.ເກົາຫຼີ - ຫວຽດນາມເວົ້າລວມ ແລະ ສ.ເກົາຫຼີ - ຮ່າໂນ້ຍ ເວົ້າສະເພາະ ນັບມື້ນັບດີງາມ. ຜົນງານນັ້ນມີການປະກອບສ່ວນອັນໃຫຍ່ຫຼວງຂອງສະມາຄົມມິດຕະພາບຫວຽດນາມ - ສ.ເກົາຫຼີ. ສະມາຄົມໄດ້ເປັນຂົວເຊື່ອມຕໍ່ເພື່ອໃຫ້ລັດຖະບານກໍຄື ວິສາຫະກິດສອງຝ່າຍເຂົ້າໃຈ ແລະ ຮ່ວມມືເຊິ່ງກັນ ແລະ ກັນ. ໃນໄລຍະຈະມາເຖິງ, ຮ່າໂນ້ຍ ປາດຖະໜາວ່າ ຝ່າຍສ.ເກົາຫຼີ ຈະສືບຕໍ່ໜູນຊ່ວຍ, ພິເສດແມ່ນແບ່ງປັນບົດຮຽນແກ້ໄຂສະພາບລົດຕິດ, ພັດທະນາເຕັກໂນໂລຊີ, ສ້າງອຳນາດການປົກຄອງເອເລັກໂຕນິກ. ທ່ານນາງ Nguyen Thi Bich Ngoc ໃຫ້ຮູ້ວ່າ ມາຮອດປະຈຸບັນ, ສ.ເກົາຫຼີ ແມ່ນນັກລົງທຶນໂດຍກົງໃຫຍ່ທີ່ສຸດ ດ້ວຍ 636 ໂຄງການ, ກວມກວ່າ 30% ຈຳນວນໂຄງການລົງທຶນໂດຍກົງຂອງຕ່າງປະເທດຢູ່ຮ່າໂນ້ຍ ແລະ ຢືນອັນດັບສອງໃນຍອດຈຳນວນເງິນລົງທຶນ, ດ້ວຍຈຳນວນເງິນ 3,5 ຕື້ USD.