ຫວຽດນາມ ປາດຖະໜາ ວ່າ ລີບັງຈະສ້າງຕັ້ງລັດຖະບານໃໝ່ໂດຍໄວ
(VOVWORLD) -ວັນທີ 17 ພະຈິກ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມກ່ຽວກັບສະພາບການຢູ່ ລີບັງ ແລະ ການປະຕິບັດມະຕິເລກທີ 1701 ຂອງ ສປຊ.
 ກອງປະຊຸມສະມັດຊາໃຫຍ່ ສປຊ (ພາບ: vov.vn) |
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ດັ້ງດິ່ງກຸ໊ຍ ໄດ້ຢັ້ງຢືນ ແລະ ປາດຖະໜາວ່າ ປະຊາຄົມສາກົນ ແລະ ບັນດາອົງການຂອງ ສປຊ ຈະສືບຕໍ່ໜູນຊ່ວຍ ເພື່ອໃຫ້ລີບັງ ຜ່ານຜ່າຄວາມຫຍຸ້ງຍາກ. ທ່ານເອກອັກຄະລັດຖະທູດ ກໍເນັ້ນໜັກວ່າ ໃນສະພາບການປັດຈຸບັນ, ບົດບາດຂອງກຳລັງຊົ່ວຄາວຂອງ ສປຊ ຢູ່ ລີບັງ ຍິ່ງມີຄວາມຈຳເປັນເພື່ອຮັບປະກັນຄວາມໝັ້ນຄົງ ແລະ ສະຖຽນລະພາບໃນພາກພື້ນ. ທ່ານເອກອັກຄະລັດຖະທູດປາດຖະໜາວ່າ ບັນດາການນຳ ລີບັງ ຈະສ້າງຕັ້ງລັດຖະບານໃໝ່ໂດຍໄວ ເພື່ອນຳພາປະເທດຜ່ານຜ່າວິກິດການນີ້.