ຫວຽດນາມ ປາດຖະໜາຢາກໃຫ້ນັບມື້ນັບມີຫລາຍວິສາຫະກິດ ສິງກະໂປ ເຂົ້າມາລົງທຶນ
(VOVWORLD) - ຍ້ອນວ່າ ຜົນສຳເລັດຂອງບັນດານັກລົງທຶນຕ່າງປະເທດ ກໍ່ແມ່ນຜົນສຳເລັດຂອງ ຫວຽດນາມ ໃນການພັດທະນາເສດຖະກິດ - ສັງຄົມ.
 ທ່ານນາງປະທານສະພາແຫ່ງຊາດ ຫງວຽນທິກິມເງິນ ຕ້ອນຮັບບັນດາວິສາຫະກິດ ສິງກະໂປ |
ໃນຂອບເຂດການຢ້ຽມຢາມ ສິງກະໂປ ຢ່າງເປັນທາງການ, ຕອນເຊົ້າວັນທີ 27 ພະຈິກ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບບັນດາວິສາຫະກິດ ສິງກະໂປ ທີ່ມີການລົງທຶນຢູ່ ຫວຽດນາມ ເຂົ້າຢ້ຽມຂ່ຳນັບ ແລະ ລາຍງານໝາກຜົນແຫ່ງການເຄື່ອນໄຫວດຳເນີນທຸລະກິດຢູ່ ຫວຽດນາມ.
ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະແດງຄວາມປາດຖະໜາວ່າ ນັບມື້ນັບມີຫລາຍວິສາຫະກິດ ສິງກະໂປ ເຂົ້າມາລົງທຶນຢູ່ ຫວຽດນາມ. ຍ້ອນວ່າ ຜົນສຳເລັດຂອງບັນດານັກລົງທຶນຕ່າງປະເທດ ກໍ່ແມ່ນຜົນສຳເລັດຂອງ ຫວຽດນາມ ໃນການພັດທະນາເສດຖະກິດ - ສັງຄົມ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢືນຢັນວ່າ: ຫວຽດນາມ ໃຫ້ຄຳໝັ້ນສັນຍາສ້າງເງື່ອນໄຂສະດວກທີ່ສຸດໃຫ້ບັນດາວິສາຫະກິດຕ່່າງປະເທດເວົ້າລວມ ແລະ ວິສາຫະກິດ ສິງກະໂປ ເວົ້າສະເພາະ, ດຳເນີນທຸລະກິດສະດວກຢູ່ ຫວຽດນາມ.