(vovworld) - ຕອນບ່າຍວັນທີ 21/02, ທີ່ກະຊວງການຕ່າງປະເທດລາວ, ທ່ານ ເຈີ່ນວັນຕ໋ວນ ຫົວໜ້າກົງສູນໃຫຍ່ຫວຽດນາມ ຜູ້ຫາກໍໄດ້ຮັບການແຕງຕັ້ງປະຈຳຫຼວງພະບາງ, ໄດ້ຍື່ນສານຕາຕັ້ງຂອງລັດຖະມົນຕີການຕ່າງປະເທດຫວຽດນາມ ຕໍ່ທ່ານນາງສູນທອນ ໄຊຍະຈັກ, ກຳມະການສູນກາງພັກປະຊາຊົນປະຕິວັດລາວ, ຮອງລັດຖະມົນຕີກະຊວງການຕ່າງປະເທດລາວ. ທີ່ການຕ້ອນຮັບ, ທ່ານ ເຈີ່ນວັນຕ໋ວນ ໃຫ້ຄຳໝັ້ນສັນຍາວ່າ, ຈະມານະພະຍາຍາມຈົນສຸດຄວາມສາມາດຂອງຕົນເພື່ອພ້ອມກັບສະຖານກົງສູນໃຫຍ່ສຳເລັດໜ້າທີ່ເຊິ່ງພັກ ແລະ ລັດ ໄດ້ມອບໝາຍໃຫ້, ປະກອບສ່ວນເພີ່ມພູນຄຸນສ້າງສາຍພົວພັນແບບພິເສດລະຫວ່າງຫວຽດນາມ - ລາວ ໃຫ້ນັບມື້ນັບພັດທະນາ.
ສ່ວນທ່ານນາງ ສູນທອນ ໄຊຍະຈັກ ໄດ້ຢືນຢັນວ່າ ກະຊວງການຕ່າງປະເທດລາວ ຈະສ້າງເງື່ອນໄຂສະດວກ ແລະ ສົມທົບກັບກົງສູນໃຫຍ່ຫວຽດນາມ ປະຈຳ ຫຼວງພະບາງ ຢ່າງແໜ້ນແຟ້ນ ເພື່ອປະຕິບັດສຳເລັດໜ້າທີ ທີ່ໄດ້ຮັບມອບໝາຍ.