( vovworld ) – ຮ້ານວາງສະແດງບັນດາເຄື່ອງສີລະປະຫັດຖະກຳ, ຜະລິດຕະພັນດ້ານວັດທະນະທຳ, ຊຸດອາພອນພື້ນເມືອງ ແລະ ສາຍຟີມຮູບເງົາວີດີໂອກ່ຽວກັບປະເທດຊາດ ແລະ ຊາວຫວຽດນາມ 2 ຮ້ານ, ໄດ້ສ້າງຄວາມປະທັບໃຈຢ່າງແຮງຢູ່ງານຕະຫຼາດນັດວັດທະນະທຳເພື່ອນມິດຂອງເມກຊີໂກ ຄັ້ງທີ 4 ເຊິ່ງຖືກດຳເນີນໃນວັນທີ 12/5 ຢູ່ນະຄອນຫຼວງ ເມກຊີໂກ ຊີຕີ. ສະຖານທູດຫວຽດນາມປະຈຳເມກຊີໂກ ໄດ້ຈັດງານວາງສະແດງຮູບພາບ, ແນະນຳໂຄສະນະປື້ມ, ວາລະສານ ກ່ຽວກັບປະເທດຊາດ, ຊາວຫວຽດນາມ, ວັດທະນະທຳ, ບັນດາຜົນງານແຫ່ງການປ່ຽນໃໝ່ຜ່ານຟີມຮູບເງົາວີດີໂອ ແລະ ຕ້ອນຮັບຜູ້ເປັນກຽດໃນໄລຍະດຳເນີນງານຕະຫຼາດນັດ. ໃນໄລຍະດຳເນີນງານຕະຫຼາດນັດລະຫວ່າງວັນທີ 12 - 27/5, ອຳນາດການປົກຄອງນະຄອນໄດ້ສົມທົບກັບກະຊວງການຕ່າງປະເທດ ແລະ ສະຖານທູດບັນດາປະເທດດຳເນີນການເຄື່ອນໄຫວວັດທະນະທຳ 250 ຢ່າງເຊິ່ງລວມມີງານວາງສະແດງຮູບພາບ, ສະແດງສິລະປະດົນຕີ, ສາຍຟີມຮູບເງົາ, ໂອ້ລົມສົນທະນາກ່ຽວກັບວັດທະນະທຳ ແລະ ສາສະໜາ ແລະ ແລກປ່ຽນອາຫານການກິນ.