ແຈ້ງການຈາກກະຊວງການຕ່າງປະເທດ ອິນເດຍ ໃຫ້ຮູ້ວ່າ ກອງປະຊຸມຄັ້ງນີ້ ໄດ້ສຸມໃສ່ປຶກສາຫາລືກ່ຽວກັບສະພາບການຜັນແປຫວ່າງມໍ່ໆມານີ້ ເຊິ່ງກ່ຽວຂ້ອງເຖິງຄວາມໝັ້ນຄົງໃນການເດີນເຮືອ, ບັນດາການເຄື່ອນໄຫວຮ່ວມມືໃນພາກພື້ນ ແລະ ກາລະໂອກາດຮ່ວມມືລະຫວ່າງສອງປະເທດ. ໃນເດືອນ ມີນາຜ່ານມາ, ຫວຽດນາມ ແລະ ອິນເດຍ ໄດ້ຈັດຕັ້ງການປຶກສາຫາລືສອງຝ່າຍກ່ຽວກັບບັນດາບັນຫາຢູ່ສະພາຄວາມໝັ້ນຄົງ ສປຊ. ສອງຝ່າຍເຫັນດີສົມທົບກັນຢ່າງແໜ້ນແຟ້ນໃນບັນດາບັນຫາສຳຄັນທີ່ໄດ້ຍົກອອກມາໃນໂຄງການດຳເນີນງານຂອງສະພາຄວາມໝັ້ນຄົງ ສປຊ. ເດືອນທັນວາ 2020, ທີ່ການເຈລະຈາທາງອອນລາຍ ລະຫວ່າງຜູ້ນຳລັດຖະບານສອງປະເທດ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ທ່ານນາຍົກລັດຖະມົນຕີ ອິນເດຍ Narendra Modi ຕາງກໍສະແດງຄວາມຕັດສິນໃຈຊຸກຍູ້ການຮ່ວມມືໃນຂົງເຂດຄວາມໝັ້ນຄົງ, ການປ້ອງກັນຊາດລະຫວ່າງສອງຝ່າຍ.

ນັກຂ່າວ VOV ປະຈຳ ອິນເດຍ