ດ້ວຍຫົວຂໍ້ “ບັນດາ start-up ຂອງຫວຽດນາມ ໄດ້ຮັດແຄບຊ່ອງຫວ່າງກັບ ອິນໂດເນເຊຍ ແລະ ສິງກະໂປ ດ້ວຍແຫຼ່ງທຶນໃໝ່”, ບົດຂຽນດັ່ງກ່າວ ຢັ້ງຢືນວ່າ ການເຄື່ອນໄຫວ start-up ຢູ່ຫວຽດນາມ ພວມເຕີບໂຕຢ່າງໄວວາ ໂດຍບໍ່ຫົວຊາຕໍ່ການຊັກຊ້າຂອງພື້ນຖານເສດຖະກິດໂລກ ແລະ ຫວຽດນາມ ມີຄວາມສາມາດບົ່ມຊ້ອນ ເພື່ອສ້າງສະພາບແວດລ້ອມ start-up ໃຫ້ແກ່ຕົນເອງ ໄດ້ຢືນຢູ່ແຖວໜ້້າໃນພາກພື້ນ ອາຊີຕາເວັນອອກສ່ຽງໃຕ້. ບົດຂຽນດັ່ງກ່າວ ກໍໄດ້ສ່ອງແສງເຖິງ ສະພາບຕົວຈິງຂອງການລົງທຶນເຂົ້າບັນດາວິສາຫະກິດ start-up ຢູ່ ຫວຽດນາມ ແມ່ນເລີ່ມເພີ່ມຂຶ້ນນັບແຕ່ປີ 2018, ໃນນັ້ນ ບັນດາຂົງເຂດຂາຍຍ່ອຍຜ່ານເຄືອຂ່າຍອິນເຕີເນັດ, ການຊໍາລະ ແລະ ການສຶກສາ ດຶງດູດໄດ້ແຫຼ່ງທຶນກ້ອນໃຫຍ່. ບົດຂຽນກໍໄດ້ຢັ້ງຢືນວ່າ ຫວຽດນາມ ມີແຫຼ່ງກໍາລັງແຮງງານໄດ້ຮັບການບໍາລຸງສ້າງເປັນຢ່າງດີ. ລະອຽດ, ບັນດານັກຮຽນຫວຽດນາມ ຢືນອັນດັບທີ 8 ໃນໂລກ ໃນບັນດາບົດກວດກາກ່ຽວກັບວິທະຍາສາດສາກົນ PISA, ເຊິ່ງສູງກວ່າອັນດັບຂອງ ຮົ່ງກົງ (ຈີນ) ແລະ ສ.ເກົາຫຼີ. ພ້ອມກັບຄ່າແຮງງານຕໍ່າພໍສົມຄວນ, ນັບແຕ່ດົນນານມາແລ້ວ ຫວຽດນາມ ແມ່ນສູນຜະລິດຊອັບແວຢູ່ ອາຊີ ແລະ ເປັນບ່ອນກໍາເນີດຫຼາຍບໍລິສັດເຕັກໂນໂລຢີໃຫຍ່ຄື FPT. ນອກຈາກນັ້ນ, ກໍໄດ້ເຕື້ອງເຖິງການປະກອບສ່ວນຂອງບັນດານັກທຸລະກິດທີ່ໄດ້ຮໍ່າຮຽນຢູ່ຕ່າງປະເທດໃນການຊ່ວຍກໍານົດທິດເຂດ start-up ຢູ່ຫວຽດນາມ ອີກດ້ວຍ.