ເອກອັກຄະລັດຖະທູດ ຫງວຽນເຟືອງງາ ທີ່ກອງປະຊຸມ

ກ່າວເປີດກອງປະຊຸມ, ທ່ານປະທານກອງປະຊຸມສະມັດຊາໃຫຍ່ສະຫະປະຊາຊາດ Miroslav Lajcak ໄດ້ຕັ້ງຂໍ້ສັງເກດວ່າໜຶ່ງໃນບັນດາສິ່ງທ້າທາຍໃຫຍ່ ຊຶ່ງໂລກພວມຕ້ອງປະເຊີນໜ້ານັບແຕ່ສະໄໝສົງຄາມເຢັນແມ່ນວິກິດການອາວຸດນິວເຄຼຍ, ພ້ອມທັງຮຽກຮ້ອງບັນດາປະເທດເພີ່ມທະວີຄຳໝັ້ນສັນຍາການເມືອງ ເພື່ອນແນໃສ່ຊຸກຍູ້ບັນດາຄວາມມານະພະຍາຍາມຫຼຸດຜ່ອນກຳລັງທັບ ແລະ ຕ້ານການແຜ່ຂະຫຍາຍອາວຸດນິວເຄຼຍ ບົນພື້ນຖານສົນທິສັນຍາຫ້າມອາວຸດນິວເຄຼັຍ. ໃນບົດກ່າວປາໄສຂອງຜູ້ຕາງໜ້າບັນດາປະເທດຕ່າງໆ ໄດ້ເນັ້ນໜັກວ່າ ຈຳເປັນຕ້ອງຊຸກຍູ້ບັນດາພາກພື້ນໃຫ້ປອດອາວຸດນິວເຄຼັຍ, ເພີ່ມທະວີບັນດາກົນໄກສາກົນ ເພື່ອຄວບຄຸມອາວຸດນິວເຄຼຍ ແລະ ອາວຸດລ້າງຜານທຸກປະເພດ.

        ກ່າວຄຳເຫັນທີ່ການປຶກສາຫາລື, ທ່ານເອກອັກຄະລັດຖະທູດ ຫງວຽນເຟືອງຫງາ, ຫົວໜ້າຄະນະປະຕິບັດງານ ຫວຽດນາມ ປະຈຳສະຫະປະຊາຊາດ, ຢັ້ງຢືນວ່າ ຫຼັກໝັ້ນສະເໝີຕົ້ນສະເໝີປາຍຂອງ ຫວຽດນາມ ກ່ຽວກັບການຫຼຸດຜ່ອນກຳລັງທັບ ແລະ ຕ້ານການແຜ່ຂະຫຍາຍອາວຸດນິວເຄຼຍ; ເຊີດຊູລັດທິຫຼາຍຝ່າຍບົນພື້ນຖານເຄົາລົບກົດໝາຍສາກົນ ແລະ ກົດບັດສະຫະປະຊາຊາດ, ຖືນັ້ນແມ່ນຫຼັກການສຳຄັນໃນການເຈລະຈາ ແລະ ແມ່ນວິທີການສຳຜັດຊ່ວຍສ້າງຄວາມໄວ້ເນື້ອເຊື່ອໃຈໃນການແກ້ໄຂບັນດາບັນຫາສາກົນຢ່າງມີປະສິດທິຜົນ.