ASOEN ຂົວຕໍ່ແຫ່ງຊາດໃນການຮ່ວມມືດ້ານສິ່ງແວດລ້ອມ
(ພາບ:news.chodientu.vn)
( vovworld ) – ຫວຽດນາມ ເສີມຂະຫຍາຍບົດບາດເປັນຂົວຕໍ່ແຫ່ງຊາດ ໃນການຮ່ວມມື ASEAN ດ້ານສິ່ງແວດລ້ອມ. ນີ້ແມ່ນຂໍ້ສັງເກດລວມຂອງບັນດາຜູ້ເຂົ້າຮ່ວມກອງປະຊຸມສຳມະນາປະກອບຄວາມເຫັນ ແລະ ສະຫຼຸບ 1 ປີແຫ່ງການເຄືອ່ນໄຫວຂອງ ASOEN ຊື່ງແມ່ນອົງການບັນດາເຈົ້ໜ້າທີ່ຂັ້ນສູງ ASEAN ກ່ຽວກັບສິ່ງແວດລ້ອມຂອງຫວຽດນາມ ໂດຍກົມໃຫ່ຍສິ່ງແວດລ້ອມ-ກະຊວງຊັບພະຍາກອນ ແລະ ສິ່ງແວດລ້ອມຈັດຂຶ້ນເມື່ອວັນທີ 10/4 ຢູ່ຮ່າໂນ້ຍ. ນັບແຕ່ວັນສ້າງຂຶ້ນເມື່ອປີ 1995 ມາຮອດປະຈຸບັນ, ASOEN ຫວຽດນາມ ໄດ້ເສີມຂະຫຍາຍບົດບາດ ພາລະໜ້າທີ່ຫຼາຍທີ່ສຸດ ໃນການສົມທົບກັບບັນດາຫົວໜ້າກຸ່ມປະຕິບັດງານ ASOEN ຫວຽດນາມ, ບັນດາອົງການທີ່ກ່ຽວຂ້ອງຢູ່ໃນ ແລະ ນອກກະຊວງຊັບພະຍາກອນ ແລະ ສິ່ງແວດລ້ອມ ປະຕິບັດບັນດາຈຸດໝາຍ ແລະ ໜ້າທີ່ວາງອອກຢ່າງມີປະສິດທິຜົນ, ເສີມຂະຫຍາຍບົດບາດເປັນຂົວຕໍ່ແຫ່ງຊາດ ໃນການຮ່ວມມື ASEAN ດ້ານສິ່ງແວດລ້ອມເປັນຢ່າງດີ. ບັນດາໝາກຜົນທີ່ພົ້ນເດັ່ນໃນໄລຍະເຄືອ່ນໄຫວຂອງ ASOEN ຫວຽດນາມ ແມ່ນ: ຈັດບັນດາເຫດການ, ກອງປະຊຸມໃນປີຫວຽດນາມ ເປັນປະທານ ASEAN 2010 ແລະ ປີ 2011 ສຳເລັດຜົນ, ພິເສດແມ່ນຫວຽດນາມ ໄດ້ຍົກອອກຂໍ້ລິເລີ່ມຈັດງານວາງສະແດງຊີວະນາໆພັນ ASEAN ຊື່ງໄດ້ກາຍເປັນເຫດການຖືກຈັດຂຶ້ນ 3 ປີເທື່ອ 1 ໂດຍບັນດາປະເທດຜັດປ່ຽນກັນເປັນເຈົ້າພາບ. ຕາມຜູ້ຕາງໜ້າກົມໃຫ່ຍສິ່ງແວດລ້ອມ-ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ແລ້ວ, ເພື່ອເສີມຂະຫຍາຍບົດບາດເປັນຂົວຕໍ່ແຫ່ງຊາດ ໃນການຮ່ວມມື ASEAN ດ້ານສິ່ງແວດລ້ອມກ່ວາອີກ, ໃນໄລຍະທີ່ຈະມາເຖິງ, ຫວຽດນາມ ຈະສືບຕໍ່ບູລະນະອົງການຈັດຕັ້ງ ແລະ ຄວາມສາມາດຂອງ ASOEN, ຕອບສະໜອງຄຳຮຽກຮ້ອງຕ້ອງການ ເຊື່ອມໂຍງຂອງກຸ່ມ ASEAN ຮອດປີ 2015 ແລະ ວິໄສທັດຮອດປີ 2030.