ຫວຽດນາມກ່າວປະນາມບັນດາກໍລະນີບຸກໂຈມຕີແບບກໍ່ການຮ້າຍຢູ່ປາຣີປະເທດຝະລັ່ງ
ໂຄສົກກະຊວງການຕ່າງປະເທດຫວຽດນາມ ເລຫາຍບີງ |
(vovworld)-ຕໍ່ໜ້າບັນດາກໍລະນີບຸກໂຈມຕີແບບກໍ່ການຮ້າຍຢູ່ປາຣີປະເທດຝະລັ່ງ, ວັນທີ 14/11, ໂຄສົກກະຊວງການຕ່າງປະເທດຫວຽດນາມ ເລຫາຍບີງ ຊີ້ແຈ້ງວ່າ ຫວຽດນາມກ່າວປະນາມຢ່າງຮຸນແຮງບັນດາກໍລະນີບຸກໂຈມຕີແບບກໍ່ການຮ້າຍທີ່ແນໃສ່ສາມັນຊົນຢູ່ປາຣີປະເທດຝະລັ່ງເມື່ອວັນທີ 13/11 ອັນໄດ້ເຮັດໃຫ້ຫຼາຍຄົນເສຍຊີວິດ ແລະ ໄດ້ຮັບບາດເຈັບ. ຫວຽດນາມຂໍແບ່ງເບົາຄວາມເຈັບປວດ ແລະ ສູນເສຍອັນໃຫຍ່ຫຼວງເຊິ່ງລັດຖະບານ ແລະ ປະຊາຊົນຝະລັ່ງກໍຄືບັນດາຄອບຄົວຜູ້ຮັບເຄາະຮ້າຍຕ້ອງແບກຫາບ. ໃນວັນດຽວກັນ, ທ່ານປະທານປະເທດຫວຽດນາມເຈືອງເຕີ້ນຊາງໄດ້ສົ່ງໂທລະເລກແບ່ງເບົາຄວາມເສົ້າສະລົດໃຈ ແລະ ຢ້ຽມຢາມຖາມຂ່າວເຖິງປະທານາທິບໍດີຝະລັ່ງ Hollande; ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ກໍໄດ້ສົ່ງໂທລະເລກແບ່ງເບົາຄວາມເສົ້າສະລົດໃຈ ແລະ ຢ້ຽມຢາມຖາມຂ່າວເຖິງນາຍົກລັດຖະມົນຕີຝະລັ່ງ Manuen Valls . ທ່ານຮອງນາຍົກລັດຖະມົນຕີ ລັດຖະມົນຕີການຕ່າງປະເທດຫວຽດນາມ ຝ້າມບີງມິນ ກໍໄດ້ສົ່ງໂທລະເລກແບ່ງເບົາຄວາມເສົ້າສະລົດໃຈ ແລະ ຢ້ຽມຢາມຖາມຂ່າວເຖິງ ລັດຖະມົນຕີການຕ່າງປະເທດຝະລັ່ງເຊັ່ນດຽວກັນ .