ທ່ານ ຫງວຽນທ້ຽນເຍີນ, ພົບປະກັບ ທ່ານ Thura U Shwe Mann ປະທານສະພາແຫ່ງຊາດມຽນມາ
ພາບ:TTXVN
|
(vovworld)- ວັນທີ 18/3, ຢູ່ນະຄອນຫລວງ Naypyitaw ຂອງ ມຽນມາ, ທ່ານ ຫງວຽນທ້ຽນເຍີນ, ປະທານ ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ພົບປະກັບທ່ານ Thura U Shwe Mann ປະທານສະພາແຫ່ງຊາດ ທັງເປັນປະທານສະພາຕ່ຳ ມຽນມາ. ທີ່ການພົບປະ, ທ່ານປະທານ ຫງວຽນທ້ຽນເຍີນ ປະທານ ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ແຈ້ງໃຫ້ທ່ານ Thura U Shwe Mann ຊາບ ກ່ຽວກັບຜົນງານພັດທະນາໃນຫລາຍດ້ານຂອງຫວຽດນາມ ແລະ ຢືນຢັນ: ຍາມໃດຫວຽດນາມ ກໍປາດຖະຫນາຢາກເພີ່ມທະວີການພົວພັນມິດຕະພາບ, ການຮ່ວມມືຮອບດ້ານກັບ ມຽນມາ ແລະ ພ້ອມແລ້ວທີ່ຈະແບ່ງປັນບົດຮຽນກ່ຽວກັບການປ່ຽນໃຫມ່ ແລະ ເຊື່ອມໂຍງ, ໃນສະພາບການພົວພັນລະຫວ່າງສອງປະເທດໃນໄລຍະມໍ່ໆມານີ້ ບັນລຸໄດ້ບັນດາບາດກ້າວພັດທະນາໃນທຸກຂົງເຂດ. ພັກກອມມູນິດຫວຽດນາມ ແລະ ພັກສາມັກຄີ ແລະ ພັດທະນາມຽນມາກຳອຳນາດ (USDP) ໄດ້ມີການພົວພັນນຳກັນພາຍຫລັງ USDP ໄດ້ຮັບການສ້າງຕັ້ງຂຶ້ນເມື່ອປີ 2010 ແລະ ປະຈຸບັນ ການພົວພັນ ອັນດີງາມສອງຝ່າຍ ແມ່ນພື້ນຖານດ້ານການເມືອງສຳຄັນໃນການຊຸກຍູ້ການພົວພັນຮ່ວມມືຫລາຍດ້ານລະຫວ່າງສອງປະເທດ. ສອງພັກ ຈະສືບຕໍ່ຍູ້ແຮງບັນດາຮູບການຮ່ວມມືຜ່ານການແລກປ່ຽນຂໍ້ມູນຂ່າວສານ, ແລກປ່ຽນຄະນະຜູ້ແທນ ແລະ ແບ່ງປັນບົດຮຽນໃນການຄຸ້ມຄອງປະເທດ ເພື່ອປະກອບສ່ວນຊຸກຍູ້ການຮ່ວມມືສອງຝ່າຍ. ທ່ານປະທານ ຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ສະແດງຄວາມປາດຖະຫນາຢາກຕ້ອນຮັບທ່ານປະທານ Thura U Shwe Mann ຢູ່ຫວຽດນາມໃນຂອບເຂດກອງປະຊຸມໃຫຍ່ ລັດຖະສະພາລະຫວ່າງຊາດໂລກ ຄັ້ງທີ 132 (IPU 132).