ຫວຽດນາມຢັ້ງຢືນອະທິປະໄຕຂອງຕົນທີ່ມີຕໍ່ໝູ່ເກາະຮ່ວາງຊາ ແລະ ເຈືອງຊາ
ໂຄສົກກະຊວງການຕ່າງປະເທດຫວຽດນາມ ທ່ານເລືອງແທງງິ້
|
Vovworld- ວັນທີ 26/4, ຕອບສຳພາດວົງການນັກຂ່າວທີ່ສະເໜີໃຫ້ຮູ້ທັດສະນະຂອງຫວຽດນາມຕໍ່ໜ້າເລື່ອງ ວັນທີ 24/4, ຫົວໜ້າສານສາກົນກ່ຽວກັບກົດຫມາຍທະເລ ໄດ້ບົ່ງຕົວບັນດາຜູ້ເປັນກຳມະການໃຫ້ແກ່ສານກຳມະການ ຊຶ່ງໄດ້ຮັບການສ້າງຕັ້ງຕາມ ສ່ວນເພີ່ມເຕີມເລກທີ 7 ສົນທິສັນຍາຂອງສ.ປ.ຊ ກ່ຽວກັບກົດໝາຍທະເລປີ1982 ບົນພື້ນຖານແຈ້ງ ການ ແລະ ຖະແຫຼງດຳເນີນການຮ້ອງຟ້ອງເມື່ອວັນທີ 22/1/2013 ຂອງ ຟີລິບປິນ, ໂຄສົກກະຊວງການຕ່າງປະເທດຫວຽດນາມ ທ່ານເລືອງແທງງິ້ເນັ້ນໜັ້ກວ່າ: ໂດຍແມ່ນປະເທດຕັ້ງຢູ່ແຄມທະເລ ທີ່ມີບັນດາສິດ ແລະ ຜົນປະໂຫຍດແຫ່ງຊາດທີ່ຖືກຕ້ອງຕາມກົດໝາຍ ແລະ ຊອບທຳຢູ່ທະເລຕາເວັນອອກ, ຫວຽດນາມເອົາໃຈໃສ່ ແລະ ຕິດຕາມຢ່າງໃກ້ຊິດກ່ຽວກັບກໍລະນີຮ້ອງຟ້ອງນີ້. ຫວຽດນາມມີພື້ນຖານດ້ານກົດໝາຍ,ປະຫວັດສາດຢ່າງຄົບຖ້ວນເພື່ອຢັ້ງຢືນອະທິປະໄຕ, ສິດອະທິປະໄຕ ແລະ ສິດຕັດສິນຄວາມຖືກຕ້ອງທີ່ມີຕໍ່ບັນດາເຂດທະເລຂອງຕົນ ຊຶ່ງໄດ້ກຳນົດຢ່າງສອດຄ່ອງກັບ ສົນທິສັນຍາຂອງສ.ປ.ຊ ກ່ຽວກັບກົດໝາຍທະເລປີ1982, ບັນດາຂໍ້ມາດຕາໃນສັນຍາສາກົນຊຶ່ງຫວຽດນາມເປັນສະມາຊິກ ແລະ ບັນດາເອກະສານນິຕິກຳຂອງຫວຽດນາມ. ຫວຽດນາມຈະນຳໃຊ້ທຸກທຸກໆມາດຕະການແກ້ໄຂໂດຍສັນຕິວິທີເພື່ອປົກປັກຮັກສາອະທິປະໄຕ, ສິດອະທິປະໄຕ ແລະ ສິດຕັດສິນຄວາມຖືກຕ້ອງ ກໍຄືຜົນປະໂຫຍດແຫ່ງຊາດທີ່ຊອບທຳຂອງຕົນຢູ່ທະເລຕາເວັນອອກ. ຫວຽດນາມອີກເທື່ອໜຶ່ງ ຢັ້ງຢືນອະທິປະໄຕຂອງຕົນທີ່ມີຕໍ່ໝູ່ເກາະຮ່ວາງຊາ ແລະ ເຈືອງຊາ ກໍຄືອະທິປະໄຕ, ສິດອະທິປະໄຕ ແລະ ສິດຕັດສິນຄວາມຖືກຕ້ອງທີ່ມີຕໍ່ເຂດບັນດາເຂດນ່ານທະເລ, ເຂດເສດຖະກິດພິເສດ ,ເຂດໄຫຼ່ທະວີບ ...ຂອງຕົນຢູ່ທະເລຕາເວັນອອກ. ຫວຽດນາມສະເໜີທຸກໆຝ່າຍທີ່ກ່ຽວຂ້ອງຈົ່ງປະຕິບັດຕາມຖະແຫຼງການ DOC ທີ່ໄດ້ລົງນາມເມື່ອປີ 2002, ຖະແຫຼງການຮ່ວມກອງປະຊຸມສຸດຍອດອາຊຽນ-ຈີນ ຄັ້ງທີ 15 ແລະ ດຳເນີນການເຈລະຈາເພື່ອສ້າງປະມວນລະບຽບການຢູ່ທະເລຕາເວັນອອກ COC ໂດຍໄວ.