ຫວຽດນາມສືບຕໍ່ເຂົ້າຮ່ວມການເຄື່ອນໄຫວຕ່າງໆຂອງສປຊ
ທ່ານນາງເອກອັກຄະລັດຖະທູດຫວຽດນາມ ຫງວຽນເຟືອງງາ ຕອບສຳພາດຕໍ່ນັກຂ່າວຂ່າວສານຫວຽດນາມ
(ພາບ: Lê Dương/TTXVN)
|
(vovworld) - ວັນທີ 14/1, ຕອບສຳພາດຕໍ່ນັກຂ່າວຂ່າວສານຫວຽດນາມປະຈຳສະຫະປະຊາຊາດ (ສປຊ) ທ່ານນາງເອກອັກຄະລັດຖະທູດຫວຽດນາມ ຫງວຽນເຟືອງງາ, ຫົວໜ້າຄະນະຜູ້ແທນຫວຽດນາມປະຈຳ ສປຊ, ໃຫ້ຮູ້ວ່າ ການນຳຂັ້ນສູງຂອງຫວຽດນາມ ຄາດວ່າຈະເຂົ້າຮ່ວມເຫດການຕ່າງໆຂອງ ສປຊ ໃນປີນີ້ ເພື່ອສະແດງໃຫ້ເຫັນຄຳໝັ້ນສັນຍາຂອງຫວຽດນາມ ທີ່ຕັ້ງໜ້າປະກອບສ່ວນເຂົ້າໃນຄວາມມານະພະຍາຍາມຂອງປະຊາຄົມສາກົນ, ແນໃສ່ຮັກສາສັນຕິພາບ ແລະ ຄວາມສະຫງົບປອດໄພໃນທົ່ວໂລກ, ແກ້ໄຂການທ້າທາຍລວມໃນທົ່ວໂລກ. ຫວຽດນາມ ຈະເປັນເຈົ້າການ, ຕັ້ງໜ້າປະກອບສ່ວນເຂົ້າໃນວິວັດການເຈລະຈາສ້າງລາຍການເຄື່ອນໄຫວພັດທະນາຫຼັງປີ 2015; ສືບຕໍ່ປະກອບສ່ວນເຂົ້າໃນການເຄື່ອນໄຫວຮັກສາສັນຕິພາບຂອງ ສປຊ ແລະ ຕັ້ງໜ້າເຂົ້າຮ່ວມຄວາມມານະພະຍາຍາມຕ່າງໆຂອງ ສປຊ ໃນທຸກຂົງເຂດ. ຫວຽດນາມກໍ່ພວມຕັ້ງໜ້າຮັບໜ້າທີ່ ແລະ ພວມສູ້ຊົນປະຕິບັດສຳເລັດໜ້າທີ່ຢູ່ບັນດາເວທີປາໄສ, ບັນດາອົງການຂອງ ສປຊ, ໃນນັ້ນມີຄາດໝາຍສຳຄັນທີ່ສຸດ ແມ່ນສະໝັກເລືອກຕັ້ງເຂົ້າສະພາເສດຖະກິດສັງຄົມຂອງ ສປຊ ກໍ່ຄືຮັບດຳລົງຕຳແໜ່ງຮອງປະທານຄະນະກຳມະການສັງຄົມ ສປຊ ສຳເລັດຜົນ.