ຫວຽດນາມສະໜັບສະໜູນ ສະພາຄວາມໝັ້ນຄົງ ສປຊ ແກ້ໄຂບັນດາສິ່ງທ້າທາຍກ່ຽວກັບການກໍ່ການຮ້າຍ ແລະ ການໃຊ້ຄວາມຮຸນແຮງຢູ່ອາຟຼິກກາ
(VOVWORLD) - ວັນທີ 11 ມີນາ, ສະພາຄວາມໝັ້ນຄົງ ສະຫະປະຊາຊາດ ໄດ້ຈັດຕັ້ງກອງປະຊຸມກ່ຽວກັບສະພາບການກໍ່ການຮ້າຍ ແລະ ການໃຊ້ຄວາມຮຸນແຮງຢູ່ອາຟຼິກກາຕາມຂໍ້ລິເລີ່ມຂອງຈີນ ໂດຍແມ່ນປະທານໝູນວຽນສະພາຄວາມໝັ້ນຄົງ ສປຊ ເດືອນ ມີນາ 2020.
ທ່ານດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊກ່າວຄຳເຫັນທີ່ກອງປະຊຸມ (ພາບ: TTXVN)
|
ກ່າວຄຳເຫັນທີ່ກອງປະຊຸມ, ທ່ານດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ແບ່ງປັນຄວາມວິຕົກກັງວົນກ່ຽວກັບບັນດາກຸ່ມການກໍ່ການຮ້າຍທີ່ພວມນາບຂູ່ເຖິງສະຖຽນລະພາບ ແລະ ການພັດທະນາຂອງ ບັນດາປະເທດ ຢູ່ ອາຟຼິກກາ. ທ່ານໄດ້ເນັ້ນໜັກເຖິງຄວາມສຳຄັນຂອງການແກ້ໄຂກົກເຄົ້າຂອງການກໍ່ການຮ້າຍຜ່ານການແກ້ໄຂບັນດາບັນຫາທີ່ກ່ຽວຂ້ອງເຖິງການບໍລິຫານ, ຄວາມໝັ້ນຄົງ, ຂາດຄວາມສະເໝີພາບລະຫວ່າງ ຍິງ - ຊາຍ ແລະ ການພັດທະນາແບບຍືນຍົງ, ທ່ານຖືວ່າ ຄວນຜັນຂະຫຍາຍບັນດາສົນທິສັນຍາສາກົນ ແລະ ບັນດາມະຕິຂອງ ສະຫະປະຊາຊາດໃນບັນຫາຕ້ານການອຸປະຖຳ ແລະ ໜູນຊ່ວຍໃຫ້ແກ່ການກໍ່ການຮ້າຍຢ່າງມີປະສິດທິຜົນ.