ຫວຽດນາມເຂົ້າຮ່ວມກອງປະຊຸມວິສາຫະກິດ CLMV ຢູ່ອິນເດຍ
ທ່ານນາງຮອງປະທານຄະນະກຳມະການປະຊາຊົນນະຄອນໂຮ່ຈີ໋ມິນ ຫງວຽນທິຮົ່ງ
(ພາບ: Minh Lý/Vietnam+)
(vovworld) ໃນຂອບເຂດການຢ້ຽມຢາມແລະສຳຫຼວດຕົວຈິງຕະຫຼາດອິນເດຍ, ວັນທີ 22/10, ຄະນະຜູ້ແທນຄະນະກຳມະການປະຊາຊົນນະຄອນໂຮ່ຈີ໋ມິນ , ໂດຍທ່ານນາງຮອງປະທານຄະນະກຳມະການດັ່ງກ່າວ ຫງວຽນທິຮົ່ງ ນຳໜ້າ , ໄດ້ເຂົ້າຮ່ວມກອງປະຊຸມຄົບຄະນະ “ກອງປະຊຸມວິສາຫະກິດກຳປູເຈຍ - ລາວ - ມຽນມາ - ຫວຽດນາມ” (CLMV) ຢູ່ນະຄອນຫຼວງນິວເດລີ.
ກ່າວຄຳເຫັນທີ່ກອງປະຊູມ, ທ່ານນາງຫົວໜ້າຄະນະຜູ້ແທນຫວຽດນາມ ຫງວຽນທິຮົ່ງ ຕີລາຄາສູງຂໍ້ລິເລີ່ມໃນການຈັດຕັ້ງກອງປະຊຸມວິສາຫະກິດ CLMV ຢູ່ອິນເດຍໃນສະພາບການພົວພັນລະຫວ່າງອາຊຽນ - ອິນເດຍຖືກຍົກຂຶ້ນເປັນຄູ່ຮ່ວມມືຍຸດທະສາດ. ທ່ານນາງ ຫງວຽນທິຮົ່ງ ຢືນຢັນວ່າ : ໂດຍອິງໃສ່ບັນດາທ່າດີຕ່າງໆຄື : ທີ່ຕັ້ງພູມສາດ, ພື້ນຖານໂຄງລ່າງແລະແຫຼ່ງຊັບພະຍາກອນມະນຸດທີ່ອຸດົມສົມບຸນ , ພິເສດແມ່ນມີສະຖຽນລະພາບດ້ານການເມືອງ - ສັງຄົມ, ນະຄອນໂຮ່ຈີ໋ມິນໄດ້ແລະພວມກາຍເປັນສະຖານທີ່ດຶງດູດບັນດານັກລົງທຶນສາກົນ , ໃນນັ້ນແມ່ນບັນດານັກລົງທຶນອິນເດຍ. ທ່ານນາງຮົ່ງກໍສະເໜີວ່າຈະເຊີນອິນເດຍເຂົ້າຮ່ວມງານຕະຫຼາດນັດທ່ອງທ່ຽວປະຈຳປີ “5ປະເທດເປັນ,ຈຸດນັດພົບດຽວ” ຢູ່ນະຄອນໂຮ່ຈີ໋ມິນພ້ອມກັບບັນດາປະເທດຄື : ລາວ , ກຳປູເຈຍ, ມຽນມາ, ໄທແລະຫວຽດນາມໃນປີ 2014, ເພື່ອຊຸກຍູ້ການພັດທະນາ, ສ້າງຜະລິດຕະພັນການທ່ອງທ່ຽວຮ່ວມສຳພັນລະຫວ່າງບັນດາປະເທດເປັນຫຼາຍຮູບຫຼາຍແບບ.