(vovworld) – ກອງປະຊຸມສຳມະນາກ່ຽວກັບນະໂຍບາຍປ້ອງກັນຊາດ - ປ້ອງກັນຄວາມສະຫງົບ ລວມໃນສາຍພົວພັນລະຫວ່າງ ອາຊຽນ - ອີຢູ ຖືກຈັດຂຶ້ນຢູ່ ບຣຸກແຊນ, ປະເທດແບນຊິກແຕ່ວັນທີ 11 – 14/3. ກອງປະຊຸມສຳມະນາໂດຍອົງການເຄື່ອນໄຫວພົວພັນຕ່າງປະເທດ ເອີລົບ (EEAS), ສະຖາບັນປ້ອງກັນຊາດ-ປ້ອງກັນຄວາມສະຫງົບ ເອີລົບ ແລະ ກອງບັນຊາການ ອີຢູ ສົມທົບກັນຈັດຕັ້ງ. ຫວຽດນາມ ເຂົ້າຮ່ວມກອງປະຊຸມສຳມະນາດ້ວຍຖານະເປັນປະເທດປະສານງານການພົວພັນ ອາຊຽນ - ອີຢູ. ທີ່ກອງປະຊຸມສຳມະນາ ພັນເອກ ຫວູວັນແຄງ, ຮອງຫົວໜ້າຄະນະຄົ້ນຄ້ວາສາກົນສັງກັດສາຖະບັນຍຸດທະສາດປ້ອງກັນປະເທດ (ກະຊວງປ້ອງກັນປະເທດ ) ມີບົດກ່າວປາໄສ ກ່ຽວກັບທັດສະນະຂອງ ຫວຽດນາມ ໃນການແກ້ໄຂບັນດາສິ່ງທ້າທາຍຢູ່ພາກພື້ນ ແລະ ຢູ່ໃນໂລກ. ພັນເອກ ຫວູວັນແຄງ ເນັ້ນໜັກວ່າ ສຳລັບບັນຫາທະເລຕາເວັນອອກ ຫວຽດນາມ ຍາມໃດກໍ່ມີແຜນນະໂຍບາຍຜ່ານການການເຈລະຈາ ເພື່ອແກ້ໄຂການພິດພາດຢູ່ທະເລຕາເວັນອອກບົນພື້ນຖານກົດໝາຍສາກົນ, ພິເສດແມ່ນສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982... ຫວຽດນາມ ສະແດງຄວາມວິຕົກວັງວົນຕໍ່ສະພາບຂາດສະຖຽນລະພາບຢູ່ບາງປະເທດ ອາຊີຕາເວັນອອກສ່ຽງໃຕ້...