ບັນດາຜູ້ແທນເຂົ້າຮ່ວມກອງປະຊຸມອິນເດຍ-CLMV
ພາບ:TTXVN
|
(vovworld)- ກະຊວງອຸດສາຫະກຳການຄ້າ ອິນເດຍ ໄດ້ສົມທົບກັບສະຫະພັນອຸດສາຫະກຳຂອງປະເທດນີ້ ໄດ້ຈັດຕັ້ງກອງປະຊຸມຮ່ວມມື ອິນເດຍ - ບັນດາປະເທດຄື: ກຳປູເຈຍ, ລາວ, ມຽນມາ ແລະ ຫວຽດນາມ (CLMV) ຄັ້ງທີ 3 ແຕ່ວັນທີ 11-13/1 ຢູ່ ນະຄອນ Chennai ລັດTamil Nadu ຂອງອິນເດຍ. ຄະນະຜູ້ແທນເຂົ້າຮ່ວມກອງປະຊຸມດັ່ງກ່າວ ມີທ່ານລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນເກີມຕູຄະນະຜູ້ແທນຫວຽດນາມ, ທ່ານ ໂຕນຊີງແທ່ງ, ເອກອັກຄະລັດຖະທູດຫວຽດນາມ ປະຈຳອິນເດຍ ພ້ອມກັບການນຳບັນດາແຂວງ ໄຕນີງ, ຊອກຈັງ, ຕຽນຢາງ, ນີງທ້ວນ, ກາເມົາ…
ທີ່ກອງປະຊຸມ, ທ່ານລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າຫວຽດນາມ ຫງວຽນເກີມຕູ ມີບົດກ່າວປາໄສຢືນຢັນວ່າ: ຫວຽດນາມ ຍາມໃດກໍຮັບຮູ້ ແລະ ຕີລາຄາສູງ ເລື່ອງ ອິນເດຍຖືເປັນສຳຄັນ ແລະ ຖື ອາຊຽນ ແມ່ນຫນຶ່ງໃນບັນດາຈຸດສຸມໃນນະໂຍບາຍ “ການກະທຳມຸ່ງໄປເຖິງທິດຕາເວັນອອກ”. ຄຽງຄູ່ກັບການພົວພັນລະຫວ່າງ ອາຊຽນ ແລະ ອິນເດຍ, ອິນເດຍ ຍັງເອົາໃຈໃສ່ຍູ້ແຮງການພົວພັນຮ່ວມມືໃນຫລາຍຂົງເຂດກັບບັນດາປະເທດ CLMV ໃນຂອບເຂດຮ່ວມມື ແມ່ຂອງ -ແມ່ນ້ຳ…ທ່ານ ຫງວຽນເກີມຕູ ຍັງເນັ້ນຫນັກວ່າ: ການເພີ່ມທະວີການຮ່ວມມືພາກພື້ນ, ການຮ່ວມມືລະຫວ່າງບັນດາປະເທດອະນຸພາກພື້ນມີຄວາມໝາຍສຳຄັນສຳລັບການພັດທະນາເສດຖະກິດ, ບໍ່ພຽງແຕ່ສຳລັບບັນດາປະເທດສະມາຊິກເທົ່ານັ້ນ ຫາກນັບທັງພາກພື້ນອີກດ້ວຍ. ຫວຽດນາມ ຍາມໃດກໍສະຫນັບສະຫນູນບັນດາຂໍ້ລິເລີ່ມ, ຂໍ້ສະເຫນີຂອງອິນເດຍ ເພື່ອຊຸກຍູ້ການພົວພັນຮ່ວມມືລະຫວ່າງ ອິນເດຍ ແລະ ອາຊຽນ.