(ພາບປະກອບ)
(vovworld) – ສະຖານທູດ ຫວຽດນາມ ປະຈຳ ອັກຊັງຕີນ ເຂົ້າຮ່ວມງານຕະຫລາດນັດເຄື່ອງສິລະປະຫັດຖະກຳ ກຸ່ມຕະຫລາດລວມ ອາເມລິກາໃຕ້ (MERCOSUR) ຄັ້ງທີ 5, ຊຶ່ງດຳເນີນແຕ່ວັນທີ 7 – 12/10 ຢູ່ນະຄອນ Iguazu, ພາກເໜືອ ອັກຊັງຕີນ. ນີ້ແມ່ນໜຶ່ງໃນບັນດາງານຕະຫລາດນັດເຄື່ອງສິລະປະຫັດຖະກຳໃຫຍ່ ໂດຍກອງທຶນສິລະປະຫັດຖະກຳແຂວງ Misiones ສົມທົບກັບສະພາລົງທຶນສະຫະພັນ ອັກຊັງຕີນ (CFI) ຈັດຕັ້ງໃນແຕ່ລະປີ. ເພື່ອນມິດ ອັກຊັງຕີນ ກໍຄືສາກົນເອົາໃຈໃສ່ ເຖິງບັນດາຜະລິດຕະພັນ ເຄື່ອງສິລະປະຫັດຖະກຳທີ່ເປັນເອກະລັກສະເພາະຂອງ ຫວຽດນາມ. ການເຂົ້າຮ່ວມຂອງ ຫວຽດນາມ ຢູ່ງານຕະຫລາດນັດຄັ້ງນີ້ ສືບຕໍ່ໄດ້ຮັບການສົນໃຈຈາກສື່ມວນຊົນທ້ອງຖິ່ນ ແລະ ຜູ້ເຂົ້າຊົມງານຕະຫລາດນັດ. ປີນີ້, ງານຕະຫລາດນັດມີຮ້ານວາງສະແດງປະມານ 250 ຮ້ານ, ດ້ວຍບັນດາຜະລິດຕະພັນທີ່ນຳມາຈາກ ບຣາຊີນ, ໂບລີວີ, ເອກວາດໍ, ປາຣາກວາຍ, ເປຣູ, ອັກຊັງຕີນ ແລະ ຫວຽດນາມ.