ບັນດາຜູ້ແທນເຂົ້າຮ່ວມລາຍການ
(ພາບ: Việt Hòa/Vietnam+)
|
(vovworld)- ວັນທີ 6/3 ບັນດາປະເທດສະມາຊິກສະມາຄົມປະຊາຊາດແຫ່ງອາຊີຕາເວັນອອກສ່ຽງໃຕ້ ( ອາຊຽນ ) ມີອົງການຜູ້ຕາງໜ້າປະຈຳແມັກຊິກໂກຈັດຕັ້ງ “ ວັນມະຫາຄອບຄົວອາຊຽນ 2016 ”. ກ່າວຄຳເຫັນທີ່ພິທີໄຂວັນດັ່ງກ່າວ, ທ່ານເອກອັກຄະລັດຖະທູດໄທ ສຸລະສັກ ເຈືອສຸກົນທິບ ປະທານຜັດປ່ຽນຄະນະກຳມະການອາຊຽນ ປະຈຳແມັກຊິກໂກ ( ACMC ), ໄດ້ເນັ້ນໜັກເຖິງຄວາມສຳຄັນ ແລະ ຄວາມໝາຍຂອງການເຄື່ອນໄຫວມິດຕະພາບປີ 2016, ພິເສດແມ່ນພາຍຫຼັງທີ່ອາຊຽນໄດ້ກາຍເປັນປະຊາຄົມຂອງພາກພື້ນຢ່າງເປັນທາງການ. ທ່ານເອກອັກຄະລັດຖະທູດໄທ ສຸລະສັກ ເຈືອສຸກົນທິບ ຮຽກຮ້ອງໃຫ້ບັນດາອົງການທຸຕານຸທູດອາຊຽນ ປະຈຳແມັກຊິກໂກ ສືບຕໍ່ຮັດແໜ້ນກຸ່ມກ້ອນມະຫາສາມະຄີພາກພື້ນ ແລະ ໜູນຊ່ວຍເຊິ່ງກັນ ແລະ ກັນ ເພື່ອແນໃສ່ເສີມຂະຫຍາຍນ້ຳໃຈອາຊຽນໃນທຸກຂົງເຂດ. “ ວັນມະຫາຄອບຄົວອາຊຽນ 2016 ”, ແມ່ນການເຄື່ອນໄຫວລວມຄັ້ງທີ 2 ໂດຍ 5 ສະຖານທູດອາຊຽນປະຈຳແມັກຊິກໂກດຳເນີນໃນປີນີ້, ພາຍຫຼັງການໄປຢ້ຽມຢາມ ແລະ ໂຄສະນາກ່ຽວກັບປະເທດຊາດ, ປະຊາຊົນ ແລະ ກາລະໂອກາດດຳເນີນທຸລະກິດ ຢູ່ລັດ Jalisco ແລະ Colima, ທາງພາກຕາເວັນຕົກແມັກຊິກໂກ. ນີ້ແມ່ນການເຄື່ອນໄຫວຢ່າງແທດຈິງ ເພື່ອແນໃສ່ເພີ່ມທະວີຄວາມສາມັກຄີ ແລະ ການຮ່ວມມືຢ່າງມີປະສິດທິຜົນ, ປະກອບສ່ວນຍົກສູງອິດທິພົນຊື່ສຽງ ແລະ ທີ່ຕັ້ງບົດບາດຂອງອາຊຽນຢູ່ພື້ນຖານເສດຖະກິດໃຫຍ່ທີ 2 ຂອງພາກພື້ນອາເມລິກາລາຕິນ.