ພາບປະກອບ:internet
|
(vovworld)- ຮອບເຈລະຈາຄັ້ງທີ 16 ກ່ຽວກັບສັນຍາຄູ່ຮ່ວມມືເຂດປາຊີຟີກ (TPP) ຖືກໄຂຂຶ້ນຢູ່ ສິງກະໂປ ໃນວັນທີ 4/3 ໂດຍມີການເຂົ້າຮ່ວມຂອງຜູ້ແທນກວ່າ 600 ທ່ານມາຈາກ 11 ປະເທດ. ຄະນະຜູ້ແທນ ຫວຽດນາມ ໂດຍທ່ານ ເຈີນກວກແຄງ, ຮອງລັດຖະມົນຕີກະຊວງອຸດສາຫະກຳ ການຄ້າ, ຫົວຫນ້າຄະນະເຈລະຈາຂອງລັດຖະບານກ່ຽວກັບເສດຖະກິດ ແລະ ການຄ້າສາກົນ ນຳຫນ້າ. ໃນໄລຍະດຳເນີນການເຈລະຈາຊຶ່ງແກ່ຍາວຮອດວັນທີ 13/3, ບັນດາຝ່າຍຈະເຂົ້າຮ່ວມເວທີປາໄສບັນດາຝ່າຍກ່ຽວຂ້ອງ, ກອງປະຊຸມສຳມະນາ ແລະ ກອງປະຊຸມຫົວເລື່ອງສະເພາະຄັ້ງຕ່າງໆ. ປະຈຸບັນ ມີ 11 ປະເທດ ເຂົ້າຮ່ວມວິວັດການເຈລະຈາ TPP ຊື່ງລວມມີ: ອົດສະຕາລີ, ຈີເລ, ບຣູໄນ, ການາດາ, ມາເລເຊຍ, ເມຊີໂກ, ນິວເຊີແລນ, ເປຣູ, ສິງກະໂປ, ອາເມລິກາ ແລະ ຫວຽດນາມ. ຕາມແຜນການ TPP ຈະເປີດກວ້າງຕາມແຕ່ລະໄລຍະເພື່ອຊຸກຍູ້ການເຊື່ອມໂຍງເຂົ້າກັບເສດຖະກິດຢ່າງກວ້າງຂວາງກວ່າ ແລະ ມຸ່ງໄປເຖິງການສ້າງຕັ້ງເຂດການຄ້າເສລີ ອາຊີ ປາຊີຟີກ. ຄາດວ່າ ໃນການເຈລະຈາ 3 ຮອບ ຈະດຳເນີນແຕ່ນີ້ຮອດໄລຍະຈັດກອງປະຊຸມສຸດຍອດ APEC ຢູ່ອິນໂດເນເຊຍໃນເດືອນ 10 ຈະມາເຖິງ.