ທ່ານພົນໂທ ໂຕເລີມ, ລັດຖະມົນຕີຊ່ວຍວ່າການກະຊວງ
ຕຳຫລວດ ຫວຽດນາມ ແລະ ທ່ານ Ugo Astuto
(ພາບ: antt.vn)
(vovworld) – ຕອນບ່າຍວັນທີ 14/12 ຢູ່ຮ່າໂນ້ຍ, ທ່ານພົນໂທ ໂຕເລີມ, ລັດຖະມົນຕີຊ່ວຍວ່າການກະຊວງ ຕຳຫລວດ ຫວຽດນາມ ໄດ້ໃຫ້ການຕ້ອນຮັບທ່ານ Ugo Astuto, ຜູ້ຮັກສາການອຳນວຍການຄຸ້ມຄອງບັນດາບັນຫາຢູ່ ອາຊີ - ປາຊີຟິກ ຂອງສະຫະພາບ ເອີລົບ. ກ່າວຄຳເຫັນທີ່ການຕ້ອນຮັບ, ທ່ານລັດຖະມົນຕີຊ່ວຍວ່າການ ໂຕເລີມ ເນັ້ນໜັກວ່າ: ກະຊວງຕຳຫລວດ ຫວຽດນາມ ຖືເປັນສຳຄັນ ແລະ ປາດຖະໜາຢາກພ້ອມກັບ ອີຢູ ເພີ່ມທະວີການຮ່ວມມືສະເໝີພາບ, ຕ່າງຝ່າຍຕ່າງມີຜົນປະໂຫຍດ, ພັດທະນາກັບ ອີຢູ ຢ່າງເຂັ້ມແຂງ, ຮອບດ້ານກ່ວາອີກ ພິເສດແມ່ນໃນບັນດາຂົງເຂດຮ່ວມມືກ່ຽວກັບການປະຕິບັດກົດໝາຍ, ຍຸຕິທຳ; ປະກອບສ່ວນຮັບປະກັນ, ປົກປັກຮັກສາຄວາມເປັນລະບຽບຮຽບຮ້ອຍຄວາມປອດໄພໃນສັງຄົມ, ເພື່ອຜົນປະໂຫຍດຂອງປະຊາຊົນແຕ່ລະປະເທດ. ຜູ້ຮັກສາການອຳນວຍການຄຸ້ມຄອງບັນດາບັນຫາຢູ່ ອາຊີ - ປາຊີຟິກ ຂອງສະຫະພາບ ເອີລົບ ທ່ານ Ugo Astuto ຢືນຢັນວ່າ: ການພົວພັນຮ່ວມມືລະຫວ່າງສະຫະພາບ ເອີລົບ ກັບ ຫວຽດນາມ ພວມພັດທະນາຢ່າງແຮງໃນທຸກຂົງເຂດ ພິເສດແມ່ນໃນບັນດາຂົງເຂດກ່ຽວກັບດ້ານເສດຖະກິດ, ການຄ້າ, ການລົງທຶນ, ການເມືອງ, ການທູດ. ຫວຽດນາມ ແມ່ນໜຶ່ງໃນບັນດາຄູ່ຮ່ວມມືສຳຄັນທີ່ສຸດຂອງ ອີຢູ ໃນ ອາຊຽນ ແລະ ເຊື່ອໝັ້ນວ່າ: ດ້ວຍຄວາມມານະພະຍາຍາມຂອງທັງ 2 ຝ່າຍໃນໄລຍະຈະມາເຖິງ ການພົວພັນມິດຕະພາບ, ການຮ່ວມມືລະຫວ່າງສະຫະພາບ ອີຢູ - ຫວຽດນາມ ຈະນັບມື້ນັບພັດທະນາຢ່າງແໜ້ນແຟ້ນ ແລະ ຮອບດ້ານກ່ວາ.