ທ່ານລັດຖະມົນຕີກະຊວງພາຍໃນຟ້າມຢຸງກ່າວຄຳເຫັນທີ່ກອງປະຊຸມສຳມະນາ
(ພາບ: qdnd.vn)
(vovworld)- ຕອນເຊົ້າວັນທີ 25/9, ຢູ່ຮ່າໂນ້ຍ, ໄດ້ຈັດກອງປະຊຸມສຳມະນາກ່ຽວກັບສາສະໜາດ້ວຍຫົວເລື່ອງ ”ສາສະໜາ ແລະ ຊີວິດສາສະໜາຢູ່ຫວຽດນາມ-ການແບ່ງປັນບົດຮຽນຂອງເອີລົບ ແລະ ຫວຽດນາມ ໃນການຮັບປະກັນສິດເສລີພາບໃນການເຫຼື້ອມໃສ,ສາສະໜາ” ໂດຍມີການເຂົ້າຮ່ວມຂອງຜູ້ແທນກ່ວາ 100 ທ່ານຊື່ງແມ່ນນັກຮຽນຮູ້ສາກົນ, ຜູ້ຕາງໜ້າບັນດາອົງການຈັດຕັງສາສະໜາຢູ່ຫວຽດນາມ.
ບັນດາຜູ້ແທນໄດ້ຕີລາຄາສູງບັນດາຜົນງານທີ່ຫວຽດນາມບັນລຸໄດ້ໃນການຊຸກຍູ້ ແລະ ຮັບປະກັນສິດເສລີພາບໃນການເຫຼື້ອມໃສ,ສາສະໜາ, ບົດບາດຂອງລັດໃນການປະຕິບັດກອບກົດໝາຍກ່ຽວກັບການເຫຼື້ອມໃສສາສະໜາ ແລະ ຄຳໝັ້ນສັນຍາຂອງຫວຽດນາມ ທີ່ມີຕໍ່ສາກົນໃນການປົກປ້ອງ ແລະ ຊຸກຍູ້ສິດທິມະນຸດໃນຂົງເຂດ ສິດເສລີພາບໃນການເຫຼື້ອມໃສ,ສາສະໜາ.
ກ່າວຄຳເຫັນທີ່ພິທີໄຂ, ທ່ານຟ້າມຢຸງ, ລັດຖະມົນຕີຊ່ວຍວ່າການກະຊວງພາຍໃນທັງເປັນຫົວໜ້າຄະນະສາສະໜາລັດຖະບານຊີ້ແຈ້ງວ່າ:
“ສິດເສລີພາບໃນການເຫຼື້ອມໃສ,ສາສະໜາຂອງພົນລະເມືອງຍາມໃດກໍ່ໄ້ຢືນຢັນໃນລັດຖະທຳມະນູນຂອງລັດຫວຽດນາມ. ໃນຊຸມປີຜ່ານມາ, ລັດຫວຽດນາມ ໄດ້ຮັບຮອງຫຼາຍສາສະໜາ, ຍາມໃດລັດກໍ່ສ້າງເງື່ອນໄຂອຳນວຍຄວາມສະດວກ, ຕອບສະໜອງຄວາມຕ້ອງການວັດທະນະທຳເຫຼື້ອມໃສ,ສາສະໜາທີ່ຊອບທຳ“.
ທີ່ກອງປະຊຸມສະມະນາ, ທ່ານນາງ Delphine Malard ເລຂາຜູ້ທີ 1, ຫົວໜ້າຄະນະການເມືອງ, ສື່ມວນຊົນ ແລະ ຖະແຫຼງຂ່າວ, ຄະນະຜູ້ແທນສະຫະພາບເອີລົບປະຈຳຫວຽດນາມ ເນັ້ນໜັກວ່າ:
“ສະຫະພາບເອີລົບມີຄວາມເອກອ້າງທະນົງໃຈເມື່ອມີຮູບບແບບສາສະໜາທີ່ມີຫຼາຍຮູບຫຼາຍແບບ ແຕ່ພວກຂ້າພະເຈົ້າກໍ່ມີຫຼັກການຈະແຈ້ງ, ນັ້ນແມ່ນຮັບປະກັນສິດເສລີພາບດ້ານແນວຄິດ, ການເຫຼື້ອມໃສ, ສາສະໜາ ເໝືອນກັບສິດອັນເປັນພື້ນຖານຂອງມະນຸດແຕ່ລະຄົນ ແລະ ເໝາະສົມກັບບັນດາມາດຖານສິດທິມະນຸດ ໂດຍຫວຽດນາມ ໄດ້ໃຫ້ສັດຕະຍາບັນແລ້ວ“./.