(vovworld) – ຕອນບ່າຍວັນທີ 24/09, ທ່ານຮອງຫົວໜ້າກົມອາຊີ - ກະຊວງການຕ່າງປະເທດໄທ ທານີ ແສງຣັດ ແລະ ທ່ານນາງຫົວໜ້າສະຖານກົງສູນສະຖານທູດແຫ່ງລາຊະອານາຈັກໄທ ປະຈຳນະຄອນໂຮ່ຈິມິນ ພັນພິມົນ ສຸວັນໂພງ, ໄດ້ມີການເຮັດວຽກກັບແຂວງກຽນຢາງ ກ່ຽວກັບສະພາບການຫາປາຂອງຊາວປະມົງຢູ່ເຂດທະເລຊ້ອນກັນທີ່ຕິດກັບເຂດນານທະເລຫວຽດນາມ ແລະ ໄທ. ທີ່ການເຮັດວຽກ, 2 ຝ່າຍໄດ້ແລກປ່ຽນກ່ຽວກັບຂໍ້ກຳນົດນະໂຍບາຍກົດໝາຍຂອງ 2 ປະເທດໃນການຂຸດຄົ້ນທະເລ; ບັນດາບັນຫາຮ່ວມມືພັດທະນາໃນຂົງເຂດສິນໃນນ້ຳລະຫວ່າງແຂວງກຽນຢາງ ແລະ ໄທ ໃນໄລຍະຈະມາເຖິງ. 2 ຝ່າຍສະເໜີຕໍ່ອົງການກ່ຽວຂ້ອງຂອງ 2 ປະເທດ ຕ້ອງເພີ່ມທະວີວຽກງານໂຄສະນາ, ຂົນຂວາຍ ແລະ ແຈ້ງຂ່າວໃຫ້ຊາວປະມົງເຂົ້າໃຈກ່ຽວກັບກົດໝາຍສາກົນ, ກົດໝາຍວ່າດ້ວຍທະເລ ແລະ ບັນດານະໂຍບາຍຄຸ້ມຄອງ, ຕິດຕາມກວດກາການຂຸດຄົ້ນສິນໃນນ້ຳໃນເຂດທະເລຊ້ອນກັນລະຫວ່າງຫວຽດນາມ - ໄທ ຢ່າງຈະແຈ້ງ. 2 ຝ່າຍຮຽກຮ້ອງໃຫ້ ກຳລັງກວດກາການປະມົງຂອງ 2 ປະເທດບໍ່ນຳໃຊ້ອາວຸດ ຫຼື ນາບຂູ່ນຳໃຊ້ອາວຸດສຳລັບບັນດາຊາວປະມົງ ເມື່ອເຂົ້າຮ່ວມການຂຸດຄົ້ນສິນໃນນ້ຳຢູ່ເຂດທະເລຊ້ອນກັນລະຫວ່າງ 2 ປະເທດ. ພ້ອມກັນນັ້ນ, 2 ປະເທດຕ້ອງສ້າງໂທລະສັບສາຍດ່ວນເພື່ອແກ້ໄຂ ແລະ ໜູນຊ່ວຍຊາວປະມົງ 2 ປະເທດຢ່າງທັນການ.