(vovworld) - ວັນທີ 11/8, ຢູ່ນະຄອນຫຼວງ ບາງກອກ, ຜູ້ບັນຊາການໃຫຍ່ກອງທັບ ໄທ ທ່ານ ທະນະສັກ ປະຕິມາຣະກອນ ມີການພົບປະກັບ ພົນໂທ ໂດບ໋າຕິ, ຫົວໜ້າເສນາທິການກອງທັງປະຊາຊົນ ຫວຽດນາມ, ພວມມີການຢ້ຽມຢາມ ໄທ ເປັນເວລາ 2 ວັນຕາມຄຳເຊື້ອເຊີນຂອງຜູ້ບັນຊາການໃຫຍ່ກອງທັບປະເທດເຈົ້າພາບ. ທີ່ການພົບປະ, ຝ່າຍປະເທດເຈົ້າພາບ ໄດ້ຕີລາຄາສູງການຢ້ຽມຢາມຂອງຄະນະຜູ້ແທນ ຫວຽດນາມ, ຖືນີ້ແມ່ນການສະແດງໃຫ້ເຫັນເລື່ອງຮັດແໜ້ນການພົວພັນປ້ອງກັນປະເທດລະຫວ່າງ 2 ຝ່າຍ. ເນື່ອງໃນໂອກາດນີ້, ພົນໂທ ໂດບ໋າຕິ ໄດ້ເຂົ້າຮ່ວມການສະແດງດົນຕີປະສານສຽງສະເຫຼີມສະຫຼອງວັນເກີດຂອງພະບາດສົມເດັດພະເຈົ້າມະຫາຊີວິດ ໄທ, ໂດຍກອງບັນຊາການບັນດາກຳລັງປະກອບອາວຸດ ໄທ ຈັດຕັ້ງຂຶ້ນ. ໃນຂອບເຂດການຢ້ຽມຢາມ, ພົນໂທ ໂດບ໋າຕິ ກໍ່ມີການພົບປະຄັ້ງຕ່າງໆກັບບາງປະເທດສະມາຊິກ ອາຊຽນ, ເພື່ອແນໃສ່ຊອກຮູ້, ພົວພັນລະຫວ່າງກອງທັບບັນດາປະເທດໃນພາກພື້ນ, ມຸ່ງໄປເຖິງການສ້າງຕັ້ງປະຊາຄົມ ອາຊຽນ ໃນປີ 2015.