ຫ້ອງວ່າການປະທານ ປະເທດປະກາດລັດຖະ ບັນຍັດ 2 ສະບັບ
ທ່ານຮອງລັດຖະມົນຕີກະຊວງຕຳຫຼວດບຸ່ຍວັນນາມ
ປະກາດລັດຖະບັນຍັດກ່ຽວກັບຕຳຫຼວດເຄື່ອນທີ່
(ພາບ: cpv.org.vn)
(vovworld)- ຕອນເຊົ້າວັນທີ 17/3, ຫ້ອງວ່າການປະທານປະເທດ ໄດ້ຈັດການປະຊຸມຂ່າວປະກາດຄຳສັ່ງຂອງປະທານປະເທດ ປະກາດລັດຖະບັນຍັດກ່ຽວກັບຕຳຫຼວດເຄື່ອນທີ່ ແລະ ລັດຖະບັນຍັດກ່ຽວກັບຂັ້ນຕອນລະບຽບການພິຈາລະນາ, ຕົກລົງນຳໃຊ້ບັນດາມາດຕະການປັບໄໝການກະທຳຜິດດ້ານບໍລິຫານຢູ່ສານ ປຊຊ.
ລັດຖະບັນຍັດກ່ຽວກັບຕຳຫຼວດເຄື່ອນທີ່ໄດ້ຮັບການຮັບຮອງເອົາຈາກຄະນະປະຈຳສະພາແຫ່ງຊາດຊຸດທີ 13 ເມື່ອວັນທີ 23/12/2013, ມີຜົນສັກສິດນັບແຕ່ວັນທີ 1/7/2014 ຊື່ງໄດ້ກຳນົດກ່ຽວກັບທີ່ຕັ້ງ, ພາລະໜ້າທີ່, ຫລັການເຄື່ອນໄຫວ. ການສ້າງກຳລັງຂອງຕຳຫຼວດເຄື່ອນທີ່; ໜ້າທີ່, ສິດອຳນາດຈັດຕັ້ງຂອງຕຳຫຼວດເຄື່ອນທີ່,ໜ້າທີ່ຂອງຜູ້ບັນຊາການຕຳຫຼວດເຄື່ອນທີ່ ແລະ ຫົວໜ້າອົງການຕຳຫຼວດແຂວງ, ນະຄອນທີ່ຂຶ້ນກັບສູນກາງ…ສ່ວນລັດຖະບັນຍັດກ່ຽວກັບຂັ້ນຕອນລະບຽບການພິຈາລະນາ, ຕົກລົງນຳໃຊ້ບັນດາມາດຕະການປັບໄໝການກະທຳຜິດດ້ານບໍລິຫານຢູ່ສານ ປຊຊ ໄດ້ຮັບການຮັບຮອງເອົາຈາກ ຄະນະປະຈຳສະພາແຫ່ງຊາດຊຸດທີ 13 ເມື່ອວັນທີ 20/1/2014, ມີຜົນສັກສິດນັບແຕ່ວັນເຊັນປະກາດໃຊ້ ຊື່ງໄດ້ຫັນບັນດາທັດສະນະ, ແຜນນະໂຍບາຍ, ນະໂຍບາຍຂອງຫວຽດນາມ ກ່ຽວກັບການປະຕິຮູບລະບົບກົດໝາຍ, ການປະຕິຮູບຕຸລາການ ແລະ ປະຕິຮູບດ້ານບໍລິຫານ, ຮັບປະກັນບັນດາສິດອັນເປັນພື້ນຖານຂອງພົນລະເມືອງ, ສິດທິມະນຸດເປັນລະບຽບກົດໝາຍ./.