(vovworld) – ບັນດາເນື້ອໃນ ໃນບົດກ່າວປາໄສຂອງທ່ານເລຂາທິການໃຫຍ່ຄະນະບໍລິການງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ທີ່ວາລະອັດກອງປະຊຸມຄັ້ງທີ 10, ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 11, ໃນວັນທີ 12/01, ໄດ້ຮັບຄວາມສົນໃຈຈາກຫາງສຽງພາຍໃນປະເທດ.
ທ່ານ ປະລິຍາເອກ ຫງວຽນວັນຫາວ, ຮອງຫົວໜ້າພະແນກກໍ່ສ້າງພັກ, ສະຖາບັນການເມືອງ ເຂດ 3, ນະຄອນດ່ານັ້ງ, ຍົກອອກຄຳເຫັນ ກ່ຽວກັບເນືອໃນບັນດາຮ່າງບົດລາຍງານເອກະສານຍື່ນສະເໜີຕໍ່ກອງປະຊຸມໃຫຍ່ຄັ້ງທີ 12 ຂອງພັກ. ທ່ານ ປະລິຍາເອກ ຫງວຽນວັນຫາວ ກ່າວວ່າ.
“ຮ່າງເອກະສານຈະມາເຖິງນີ້, ຕາມຂ້າພະເຈົ້າແລ້ວ ຕ້ອງສຸມໃສ່ເຂົ້າໃນ 3 ບັນຫາບຸກທະລຸຄືດັ່ງມະຕິສູນກາງຄັ້ງທີ 10 ໄດ້ເອົາໃຈໃສ່. ຍື່ນຢູ່ຕໍ່ໜ້າສະພາບການໃໝ່ດັ່ງກ່າວ, ຕ້ອງສຸມໃສ່ບັນຫາພັດທະນາເສດຖະກິດສັງຄົມ, ສຸມໃສ່ກໍ່ສ້າງພັກ ແລະ ພິເສດແມ່ນເອົາໃຈໃສ່ປະຕິບັດມະຕິສູນກາງຄັ້ງທີ 4 ຊຸດທີ 11 ຂອງພັກ ກ່ຽວກັບການກໍ່ສ້າງພັກ ເປັນຢ່າງດີ, ໃນນັ້ນ ກຳນົດໜ້າທີ່, ໜ້າທີ່ຮັບຜິດຊອບຂອງຜູ້ນຳໜ້າ. ໃນເອກະສານກອງປະຊຸມໃຫຍ່ຄັ້ງທີ 12 ຈະມາເຖິງ, ຕາມຂ້າພະເຈົ້າແລ້ວ, ຕ້ອງເອົາໃຈໃສ່ເຖິງບັນຫາປ້ອງກັນຊາດ, ປ້ອງກັນຄວາມສະຫງົບ, ບັນຫາປົກປັກຮັກສາເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ”.
ເຫັນດີກັບບັນດາບັນຫາທີ່ໄດ້ຮັບຮອງ ໃນມະຕິຂອງກອງປະຊຸມ ແລະ ບົດກ່າວປາໄສສະຫຼຸບຂອງທ່ານເລຂາທິການໃຫຍ່ ຫງວຽນຟຸຈ້ອງ, ອ້າຍ ຫງວຽນວັນຈຸງ, ຢູ່ນະຄອນໂຮ່ຈິມິນ ໃຫ້ຮູ້ວ່າ.
“ວຽກງານກໍ່ສ້າງພັກໃນປະຈຸບັນແມ່ນມີຄວາມສຳຄັນຍິ່ງ, ນຳມາເຊິ່ງຄວາມໄວ້ເນື້ອເຊື່ອໃຈຂອງປະຊາຊົນຕໍ່ພັກ, ສ້າງຄວາມເຫັນດີເຫັນພ້ອມ, ສະກັດກັ້ນແຫຼ່ງຂ່າວທີ່ຜິດພາດ, ຫວັງມາ້ງເພ, ທຳລາຍຂອງບັນດາອິດທິກຳລັງທີ່ເປັນປໍລະປັກຢູ່ພາຍນອກ, ເພື່ອຊ່ວຍໃຫ້ຫວຽດນາມ ຮັກສາຄວາມໝັ້ນຄົງເພື່ອພັດທະນາປະເທດຊາດ”.