(vovworld) - ກ່ຽວຂ້ອງເຖິງເລື່ອງກະຊວງການຄ້າອາເມລິກາ (DOC) ຫາກໍ່ຕົກລົງຈັດວາງພາສີອາກອນຕ້ານການຊ່ວຍໜູນສຳລັບກຸ້ງແຊເຢັນນຳເຂົ້າຈາກ ຫວຽດນາມ, ກົມຄຸ້ມຄອງການແກ້ງແຍ່ງ - ກະຊວງອຸດສາຫະກຳການຄ້າຫວຽດນາມ ຢືນຢັນວ່າ ຂໍ້ຕົກລົງຂອງກະຊວງການຄ້າອາເມລິກາ ບໍ່ສ່ອງແສງທາດແທ້ຂອງເຫດການຢ່າງຄົບຖ້ວນ ກໍ່ຄືສະພາບຕົວຈິ່ງພວມດຳເນີນໄປຢູ່ຫວຽດນາມ.
ວັນທີ 15 ສິງຫາ, ເມື່ອຕອຍສຳພາດຕໍ່ນັກຂ່າວ VOV, ທ່ານນາງ ຟ້າມເຮືອງຢາງ, ຮອງຫົວໜ້າພະແນກປ້ອງກັນການຄ້າ, ກົມຄຸ້ມຄອງການແກ້ງແຍ່ງ - ກະຊວງອຸດສາຫະກຳການຄ້າຫວຽດນາມ ໃຫ້ຮູ້ວ່າ, ນັບແຕ່ເມື່ອເກີດເຫດການດັ່ງກ່າວ, ຍາມໃດ ລັດຖະບານຫວຽດນາມ ກໍ່ຢືນຢັນນະໂຍບາຍສະເໝີຕົ້ນສະເໝີປາຍວ່າ: ບໍ່ມີການຊ່ວຍໜູນໃດໆໃຫ້ແກ່ວິສາຫະກິດຜະລິດ ແລະ ການສົ່ງອອກກຸ້ງຫວຽດນາມ. ທ່ານນາງໃຫ້ຮູ້ວ່າ.
“ໃນວິວັດການສືບສວນເຫດການດັ່ງກ່າວ, ບັນດາວິສາຫະກິດຖືກຟ້ອງຮ້ອງຂອງຫວຽດນາມ ກໍ່ຄືລັດຖະບານຫວຽດນາມ ໄດ້ຮ່ວມມີືຢ່າງຄົບຖວ້ນກັບອົງການສືບສວນຂອງອາເມລິກາ, ເຊິ່ງໄດ້ສະແດງອອກຜ່ານການຕອບຄຳຖາມສືບສວນຖືກກຳນົດເວລາ, ໃຫ້ການຮ່ວມມືໃນວິວັດການສືບສວບຢູ່ກັບທີ່ຢ່າງແໜ້ນແຟ້ນ ເພື່ອອະທິບາຍໃຫ້ອາເມລິກາ ແລະ ສະໜອງເອກະສານພິສູດໃຫ້ເຫັນວ່າ ລັດຖະບານຫວຽດນາມ ບໍ່ຊ່ວຍໜູນ ແລະ ວິສາຫະກິດຫວຽດນາມ ກໍ່ບໍ່ໄດ້ຮັບການຊ່ວຍໜູນໃດໆຈາກລັດຖະບານ. ແຕ່ວ່າ, ກະຊວງການຄ້າອາເມລິກາ ໄດ້ອອກຄຳຕັດສິນສຸດທ້າຍວ່າ ມີການຊ່ວຍໜູນ ແລະ ຈັດວາງພາສີອາກອນຕ້ານການໜູນຊ່ວຍ. ອາດເວົ້າໄດ້ວ່າ, ຂໍ້ສະຫຼຸບດັ່ງກ່າວຂອງ DOC ແມ່ນບໍ່ສ່ອງແສງທາດແທ້ຂອງເຫດການຢ່າງຄົບຖ້ວນ ກໍ່ຄືສະພາບຕົວຈິງພວມດຳເນີນໄປຢູ່ຫວຽດນາມ”.
ແລະກໍ່ໃນວັນທີ 15 ສິງຫາ, ສະມາຄົມອາຊີບການປະມົງຫວຽດນາມ ໄດ້ອອກຖະແຫຼງຄັດຄ້ານຂໍ້ຕົກລົງຈັດວາງພາສີອາກອນຕ້ານການໜູນຊ່ວຍຕໍ່ຜະລິດຕະພັນກຸ້ງຫວຽດນາມ ທີ່ນຳເຂົ້າຕະຫຼາດອາເມລິກາ. ຕາມທັດສະນະຂອງສະມາຄົມແລ້ວ, ສະມາຄົມຈັດຫາກຸ້ງທະເລອາເມລິກາ ຈັດວາງພາສີອາກອນຕ້ານການໜູນຊ່ວຍຂອງລັດຖະບານສຳລັບຜະລິດຕະພັນກຸ້ງລ້ຽງ ແມ່ນໄຮ້ເຫດຜົນ ແລະ ບໍ່ເໝາະສົມກັບຂໍ້ກຳນົດຂອງສັນຍາກ່ຽວກັບຮົ້ວເຕັກນິກໃນການຄ້າຂອງອົງການການຄ້າໂລກ (WTO). ສີ່ງດັ່ງກ່າວສົ່ງຜົນສະທ້ອນຢ່າງຮ້າຍແຮງເຖິງຊີວິດຂອງຄົນງານ 600.000 ຄົນໃນຂະແໜງຜະລິດກຸ້ງຫວຽດນາມ, ສົ່ງຜົນສະທ້ອນທີ່ບໍ່ດີເຖິງບໍລິໂພກ ອາເມລິກາ ແລະ ໄປພື້ນກັບທ່າອຽງຮ່ວມມືຮອບດ້ານລະຫວ່າງຫວຽດນາມ - ອາເມລິກາ ທີ່ລັດຖະບານ, ບັນດາວິສາຫະກິດ ແລະ ປະຊາຊົນ 2 ປະເທດ ພວມມານະພະຍາຍາມປະຕິບັດ. ສະມາຄົມຫາປາ ຫວຽດນາມ ຮຽກຮ້ອງໃຫ້ກະຊວງການຄ້າອາເມລິກາ, ຄະນະກຳມະການສືບສວນຕ້ານການໜູນຊ່ວຍຜະລິດຕະພັນກຸ້ງ ຂອງອາເມລິກາ ແລະ ສະພາແຫ່ງຊາດອາເມລິກາ ປະກາດລົບລ້າງຂໍ້ຕົກລົງດັ່ງກ່າວໂດຍໄວ.