(VOVWORLD) -ຄະນະຜູ້ຕາງໜ້າ ແລະ ພາລະກອນຂອງອີຢູ ຈະໄດ້ຮັບສິດພິເສດ ແລະ ສິດຍົກເວັ້ນທີ່ຈຳເປັນ ເພື່ອອະນຸຍາດໃຫ້ເຂົາເຈົ້າປະຕິບັດໜ້າທີ່ຢູ່ລາຊະອານາຈັກອັງກິດ ຢ່າງມີປະສິດທິຜົນ.
 (ພາບປະກອບ: Reuters)
|
ວັນທີ 21 ມັງກອນ, ໂຄສົກຂອງທ່ານນາຍົກລັດຖະມົນຕີອັງກິດ Boris Johnson ໃຫ້ຮູ້ວ່າ, ຄະນະຜູ້ຕາງໜ້າຂອງສະຫະພາບເອີລົບ (ອີຢູ) ທີ່ມາອັງກິດ ຈະໄດ້ຮັບບັນດາສິດພິເສດ ແລະ ສິດຍົກເວັ້ນທີ່ຈຳເປັນ ເພື່ອສາມາດປະຕິບັດໜ້າທີ່ຂອງຕົນ.
ເມື່ອຕອບຄຳຖາມຕໍ່ວົງການນັກຂ່າວ, ໂຄສົກທ່ານດັ່ງກ່າວໃຫ້ຮູ້ວ່າ: “ຄະນະຜູ້ຕາງໜ້າ ແລະ ພາລະກອນຂອງອີຢູ ຈະໄດ້ຮັບສິດພິເສດ ແລະ ສິດຍົກເວັ້ນທີ່ຈຳເປັນ ເພື່ອອະນຸຍາດໃຫ້ເຂົາເຈົ້າປະຕິບັດໜ້າທີ່ຢູ່ລາຊະອານາຈັກອັງກິດ ຢ່າງມີປະສິດທິຜົນ”. ທ່ານເນັ້ນໜັກວ່າ: “ໃນຕົວຈິງຖ້າຫາກຖືກຕ້ອງຕາມຄວາມໝາຍແລ້ວ ອີຢູ ແມ່ນກຸ່ມບັນດາປະເທດ, ຫາກບໍ່ແມ່ນປະເທດດຽວ”.