ທ່ານ ໂງວັນຢຸ ກ່າວຄຳເຫັນທີ່ກອງປະຊຸມ
|
(vovworld) – ວັນທີ 30/12, ຢູ່ຮ່າໂນ້ຍ, ອົງຄະນະພັກກຸ່ມບັນດາອົງການສູນກາງໄດ້ຈັດຕັ້ງກອງປະຊຸມຄັ້ງທີ 21, ສະຫລຸບວຽກງານປີ 2014, ຜັນຂະຫຍາຍໜ້າທີ່ປີ 2015, ສະຫລຸບວຽກງານກວດກາ, ຕິດຕາມກວດກາ, ປະຕິບັດກົດລະບຽບຂອງພັກໃນປີ 2014 ແລະ ທິດທາງ, ໜ້າທີ່ວຽກງານປີ 2015, ລາຍງານສະພາບການປະຕິບັດມະຕິສູນກາງຄັ້ງທີ 4 (ຊຸດທີ 11) ກ່ຽວກັບການກໍ່ສ້າງພັກປີ 2014 ຂອງອົງຄະນະພັກກຸ່ມບັນດາອົງການສູນກາງ. ທ່ານ ໂງວັນຢຸ, ຫົວໜ້າຄະນະກຳມະການກວດກາສູນກາງໄດ້ເຂົ້າຮ່ວມກອງປະຊຸມ. ນະທີ່ນີ້, ທ່ານ ໂງວັນຢຸ ເນັ້ນໜັກວ່າ: ກອງປະຊຸມໃຫຍ່ຂອງພັກທຸກຂັ້ນ ແມ່ນບັ້ນດຳເນີນຊີວິດການເມືອງຢ່າງເລິກເຊິ່ງ, ກ້ວາງຂວາງໃນທົ່ວພັກ, ທົ່ວກອງທັບ, ທົ່ວປວງຊົນ. ດ້ວຍໜ້າທີ່ວາງອອກຢ່າງໜັກໜ່ວງ, ພະນັກງານ, ສະມາຊິກພັກແຕ່ລະຄົນຂອງອົງຄະນະພັກກຸ່ມ, ກ່ອນອື່ນໝົດແມ່ນການນຳຂັ້ນສູງ, ພະນັກງານຫຼັກແຫຼ່ງທຸກຂັ້ນ, ບັນດາຂະແໜງຕ້ອງຮັບຮູ້ຢ່າງເລິກເຊິ່ງ, ຄົບຖ້ວນຄຳຮຽກຮ້ອງຮີບດ່ວນຂອງໜ້າທີ່ກໍ່ສ້າງ, ປັບປຸງພັກໃນສະພາບການປະຈຸບັນ, ຕື່ນຕົວໃນການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ, ເປັນແບບຢ່າງນຳໜ້າໃນການຍົກສູງກຳລັງຄວາມສາມາດປະຕິບັດງານ, ຄຸນນະທາດການເມືອງ, ກຳລັງຕໍ່ສູ້, ຝຶກຝົນຫຼໍ່ຫຼອມບຸກຄະລິກພາບ, ຈິດໃຈ, ທ່າທີຮັບໃຊ້ພັກ, ຮັບໃຊ້ປະຊາຊົນ.