(VOVWORLD) - ຕອນບ່າຍວັນທີ 28 ພຶດສະພາ, ຢູ່ນະຄອນຫຼວງປັກກິງ ປະເທດຈີນ, ກອງປະຊຸມເທື່ອທີ 3 ສະພາແຫ່ງຊາດຈີນຊຸດທີ 13 ໄດ້ອັດລົງພາຍຫຼັງດຳເນີນ ມາເປັນເວລາ 1 ອາທິດ.
(ພາບ: ຂ່າວສານຊີນຮົວ)
|
ທີ່ວາລະອັດກອງປະຊຸມ, ບັນດາສະມາຊິກສະພາແຫ່ງຊາດຈີນ ໄດ້ລົງຄະແນນສຽງຮັບຮອງເອົາບັນດາມະຕິ, ປະມວນກົດໝາຍ ແລະ ຂໍ້ຕົກລົງສຳຄັນ, ໃນນັ້ນ, ໜ້າສົນໃຈແມ່ນຂໍ້ຕົກລົງກ່ຽວກັບການບູລະນະລະບອບກົດໝາຍ ແລະ ກົນໄກການປະຕິບັດການປ້ອງກັນຄວາມສະຫງົບແຫ່ງຊາດຢູ່ເຂດປົກຄອງພິເສດ ຮົງກົງ.
ກ່າວຄຳເຫັນທີ່ກອງປະຊຸມ, ທ່ານລີຈານຊູ ປະທານສະພາແຫ່ງຊາດຈີນ ເນັ້ນໜັກວ່າ ນີ້ແມ່ນວຽກງານທີ່ຈດຳເປັນ ເພື່ອແນໃສ່ຊາບຊຶມເນື້ອໃນຈິດໃຈກອງປະຊຸມສູນກາງພັກກອມມູນິດຈີນຄັ້ງທີ 4, ເດັດດ່ຽວ ແລະ ສ້າງຫຼັກການ “ປະເທດດຽວ ສອງລະບອບ” ໃຫ້ສົມບູນແບບ, ສອດຄ່ອງກັບລັດຖະທຳມະນູນ ແລະ ກົດໝາຍພື້ນຖານຂອງ ຮົງກົງ.
ພາຍຫຼັງຂໍ້ຕົກລົງດັ່ງກ່າວໄດ້ຮັບຮອງເອົາ, ຄະນະປະຈຳສະພາແຫ່ງຊາດຈີນ ຈະຖືກມອບໝາຍສິດສ້າງກົດໝາຍສະບັບໃໝ່ ກ່ຽວກັບການປ້ອງກັນຄວາມສະຫງົບແຫ່ງຊາດຢູ່ຮົງກົງ.