ອັດເວທີປາໄສລັດຖະສະພາອາຊີ - ປາຊີຟີກ ຄັ້ງທີ 21
(ພາບປະກອບ)
(vovworld) - ພາຍຫຼັງເຮັດວຽກມາເປັນເວລາ 3 ວັນ, ວັນທີ 30/01, ເວທີປາໄສລັດຖະສະພາອາຊີ - ປາຊີຟີກ ຄັ້ງທີ 21 (APPF - 21) ສິ້ນສຸດລົງຢ່າງຈົບງາມ ຢູ່ນະຄອນ Vladivostok, ປະເທດລັດເຊຍ. APPF – 21 ໄດ້ຮັບຮອງເອົາມະຕິເຊິ່ງລວມມີ ເອກະສານ ແລະ ຖະແຫຼງການຮ່ວມ 14 ສະບັບ ທີ່ຮັບຮອງເອົາບັນດາໝາກຜົນເຊິ່ງບັນລຸໄດ້. ເວທີປາໄສໄດ້ເຫັນດີເລືອກຕັ້ງ ເມກຊິກໂກ ເປັນປະທານໝູນວຽນຂອງ APPF ອາຍຸການ 2013 – 2014. ກ່າວຄຳເຫັນທີ່ການປະຊຸມຂ່າວພາຍຫຼັງສິ້ນສຸດເວທີປາໄສ, ທ່ານນາງປະທານ APPF – 21, ທັງເປັນປະທານສະພາສະຫະພັນລັດເຊຍ Valentina Matvienko ເນັ້ນໜັກວ່າ ບັນດາວາລະປຶກສາຫາລືບັນລຸໄດ້ໝາກຜົນດີ; ຢືນຢັນເລື່ອງເປັນເຈົ້າພາບຈັດຕັ້ງ 2 ເຫດການໃຫຍ່ຢ່າງລຽນຕິດນັ້ນແມ່ນ ກອງປະຊຸມສຸດຍອດເວທີປາໄສຮ່ວມມືເສດຖະກິດອາຊີ - ປາຊີຟີກ (APEC - 2012) ແລະ APPF – 21 ທີ່ນຳມາເຊິ່ງ ໂອກາດທີ່ໃຫຍ່ຫຼວງໃຫ້ລັດເຊຍ ເພື່ອເສີມຂະຫຍາຍບົດບາດ ແລະ ທີ່ຕັ້ງຢູ່ພາກພື້ນອາຊີ - ປາຊີຟີກ.
ຄະນະຜູ້ແທນຫວຽດນາມ ໂດຍທ່ານຮອງປະທານສະພາແຫ່ງຊາດ ອວງຈູລິວ ນຳໜ້າ, ໄດ້ມີບົດປະກອບຄຳເຫັນຢູ່ທຸກວາລະເຮັດວຽກຂອງເວທີປາໄສ; ຍົກອອກຂໍ້ລິເລີ່ມລະຫວ່າງລັດຖະສະພາບັນດາປະເທດ APPF ໃນໄລຍະຈະມາເຖິງ ແລະ ມີບົດປະກອບຄຳເຫັນສຳຄັນທີ່ກ່ຽວຂ້ອງເຖິງຂົງເຂດຄ້ຳປະກັນດ້ານດ້ານສະບຽງອາຫານຢູ່ ອາຊີ - ປາຊີຟີກ. ບັນດາບົດປະກອບຄຳເຫັນຂອງຄະນະຜູ້ແທນຫວຽດນາມ ໄດ້ຮັບການຕີລາຄາສູງຈາກເວທີປາໄສ. ຢູ່ນອກເວທີປາໄສ, ທ່ານຮອງປະທານສະພາແຫ່ງຊາດ ອວງຈູລິວ ຍັງມີການພົບປະ 2 ຝ່າຍກັບທ່ານປະທານສະພາສະຫະພັນລັດເຊຍ; ຢ້ຽມຢາມ ແລະ ເຮັດວຽກຢູ່ສະພາ ດູມາ ແຫ່ງຊາດ ແລະ ອຳນາດການປົກຄອງນະຄອນ Vladivostok; ຢ້ຽມຢາມສຳນັກງານກົງສູນໃຫຍ່ສະຖານທູດຫວຽດນາມ ປະຈຳ Vladivostok ແລະ ໂອ້ລົມກັບພໍ່ແມ່ປະຊາຊົນຊາວຫວຽດນາມ ທີ່ພວມດຳລົງຊີວິດຢູ່ທີ່ນີ້.