ເດັກນ້ອຍໃສ່ຜ້າອັດປາກເພື່ອປ້ອງກັນການຕິດໂລກລະບາດໂຄວິດ - 19 ຢູ່ Damacus, ຊີຣີ (ພາບ: THX/TTXVN)

ກໍໃນວັນດຽວກັນ, ທ່ານ Mario Centeno ປະທານກຸ່ມລັດຖະມົນຕີກະຊວງການເງິນບັນດາປະເທດນຳໃຊ້ສະກຸນເງິນ ເອີໂຣ (Eurozone) ໄດ້ຮຽກຮ້ອງໃຫ້ຜັນຂະຫຍາຍແຜນການໜູນຊ່ວຍຂະໜາດໃຫຍ່ໃນສະພາບການທີ່ບັນດາປະເທດສະມາຊິກຍັງມີການໂຕ້ຖຽງກັນກ່ຽວກັບບັນດາມາດຕະການຈຳເປັນເພື່ອຟື້ນຟູພື້ນຖານເສດຖະກິດທີ່ພວມຕົກເຂົ້າສູ່ສະພາບ “ຊຸດໂຊມ”. ເຖິງຢ່າງໃດກໍຕາມ, ບັນຫາດັ່ງກ່າວ ຍັງກໍ່ໃຫ້ເກີດການໂຕ້ຖຽງກັນລະຫວ່າງບັນດາປະເທດສະມາຊິກ ເມື່ອ ອີຕາລີ ແລະ ແອັດສະປາຍ ຮຽກຮ້ອງໃຫ້ບັນດາປະເທດສະມາຊິກ ອີຢູທັງໝົດ ລະດົມຈຳນວນເງິນນັບສິບຕື້ເອີໂຣ ເພື່ອໜູນຊ່ວຍແຜນການຟື້ນຟູ “ຢ່າງມະຫາສານ” ຂອງເຂົາເຈົ້າ. ສ່ວນ ເຢຍລະມັນ ແລະ ໂຮນລັງ  ພັດສະເໜີໃຫ້ນຳໃຊ້ກອງທຶນໜູນຊ່ວຍທີ່ມີຢູ່ໃນປັດຈຸບັນຂອງ Eurozone ຫຼື ຍັງເອີ້ນວ່າ ກົນໄກສ້າງສະຖຽນລະພາບຢູ່ເອີຣົບ (ESM) ແລະ ສະໜອງບ້ວງເງິນກູ້ຢືມໃຫ້ບັນດາວິສາຫະກິດໜ້ອຍກວ່າ ຜ່ານທະນາຄານລົງທຶນເອີຣົບ.