ການພົບປະລະຫວ່າງການນຳ ອົງການ IAEA ແລະ ອີຣານ ໃນວັນທີ 21 ກຸມພາ (ພາບ:  THX/TTXVN)

ໃນການຢ້ຽມຢາມ ອີຣານ ເມື່ອທ້າຍອາທິດແລ້ວນີ້ ຂອງທ່ານ Rafael Grosso ຜູ້ອຳນວຍການໃຫຍ່ ອົງການ IAEA, ສອງຝ່າຍໄດ້ລົງນາມໃນ “ມາດຕະການຊົ່ວຄາວ” ທີ່ມີຜົນສັກສິດພາຍໃນ 3 ເດືອນ ໂດຍອະນຸຍາດໃຫ້ອົງການ IAEA ສືບຕໍ່ປະຕິບັດວຽກງານກວດການິວເຄຼຍ ຢູ່ ອີຣານ ແຕ່ລະດັບການສາຜັດກໍຈະຖືກຈຳກັດນັບແຕ່ວັນທີ 23 ກຸມພາ. ຕາມເອກະສານສະບັບໜຶ່ງທີ່ສົ່ງມາຍັງບັນດາສະມາຊິກຂອງອົງການ IAEA ກ່ອນວັນດຳເນີນກອງປະຊຸມປະຈຳໄຕມາດຂອງຄະນະການນຳອົງການນີ້ໃນອາທິດໜ້າ, ອາເມລິກາ ໄດ້ສະແດງຄວາມປາດຖະໜາກ່ຽວກັບມະຕິສະບັບໜຶ່ງທີ່ສະແດງຄວາມວິຕົກກັງວົນທີ່ເລິກເຊິ່ງກວ່າຂອງອົງການ IAEA ກ່ຽວກັບການຮ່ວມມືຂອງ ອີຣານ. ເຖິງຢ່າງໃດກໍຕາມ, ໃນໜັງສືທີ່ໄດ້ສົ່ງໄປຍັງປະເທດອື່ນໆ ເຊິ່ງສໍານັກຂ່າວສານ Reuters ເອົາມາໄດ້ນັ້ນ, ອີຣານ ຖືວ່າ ການກະທຳດັ່ງກ່າວບໍ່ມີລັກສະນະສ້າງສັນ ແລະ ຖືນັ້ນ ແມ່ນການສິ້ນສຸດໃຫ້ແກ່ຂໍ້ຕົກລົງທີ່ ອີຣານ ແລະ ອົງການ IAEA ໄດ້ລົງນາມໃນວັນທີ 21 ກຸມພາ ຜ່ານມາ. ສິ່ງດັ່ງກ່າວ ອາດຈະເຮັດໃຫ້ສະພາບການທີ່ກ່ຽວຂ້ອງເຖິງຂໍ້ຕົກລົງ ນິວເຄຼຍ ອີຣານ JCPOA ສັບສົນຂຶ້ນຕື່ມ.