( vovworld ) - ວັນທີ 24/7, ໂຄສົກກະຊວງການຕ່າງປະເທດອີຣານ Ramin Mehmanparast ໄດ້ຖະແຫຼງວ່າ ກຸ່ມ P5+1 (ເຊິ່ງລວມມີ 5 ປະເທດປະຈຳສະພາຄວາມໝັ້ນຄົງ ສະຫະປະຊາຊາດ ແມ່ນ: ອາເມລິກາ, ລັດເຊຍ, ຈີນ, ອັງກິດ ແລະ ຝຣັ່ງ ພ້ອມກັບ ເຢຍລະມັນ) ຕ້ອງຮັບຮູ້ບັນດາກຳມະສິດເຕັກໂນໂລຊີຂອງປະເທດນີ້. ກ່າວຄຳເຫັນທີ່ການປະຊຸມຂ່າວປະຈຳອາທິດ, ທ່ານ Mehmanparast ໄດ້ເນັ້ນໜັກໝາກຜົນທີ່ດີທີ່ສຸດໃຫ້ແກ່ບັນດາການເຈລະຈາລະຫວ່າງກຸ່ມ P5+1 ແລະ ອີຣານ ແມ່ນອະນຸຍາດໃຫ້ກຸ່ມຜູ້ໄກ່ເກ່ຍສາກົນຕິດຕາມກຳມະສິດນິວເຄຼຍປະເທດສາທາອີຣານ. ໂຄສົກກະຊວງການຕ່າງປະເທດອີຣານ ໄດ້ຢືນຢັນວ່າ ເຕເຣຣານ ພ້ອມແລ້ວທີ່ຈະຮ່ວມມືກັບອົງການພະລັງງານປະລະມານູສາກົນ (IAEA) ເພື່ອລົບລ້າງບັນດາຄວາມວິຕົກກັງວົນຂອງກຸ່ມ P5+1. ແລະກໍໃນວັນດຽວກັນ, ກຸ່ມບັນດາເຈົ້າໜ້າທ່ີຮັບຜິດຊອບບັນດາບັນຫາພົວພັນຕ່າງປະເທດສະຫະພາບເອີລົບ (EU) ທ່ານນາງ Helga Schmid ແລະ ຜູ້ຕາງໜ້ານະເຈລະຈາຂອງອີຣານ Ali Bagheri ໄດ້ມີການພົບປະຢູ່ນະຄອນອິດຕາບູນ ຂອງຕວກກີ ພິຈາລະນາບັນດາຂັ້ນຕອນກະກຽມໃຫ້ແກ່ຮອບເຈລະຈາສາກົນຂັ້ນສູງຕາມໂຄງການນິວເຄຼຍທີ່ກໍການໂຕ້ຖຽງກັນຂອງອີຣານ.