ທ່ານປະທານາທິບໍດີ ອີຣານ Hassan Rouhani  (ພາບ: TTXVN)

“ຄຳສັ່ງລົງໂທດໃໝ່ຂອງ ອາເມລິກາ ທີ່ເລັ່ງໃສ່ທະນາຄານແຫ່ງຕ່າງໆຂອງ ອີຣານ ແມ່ນເພື່ອສ້າງຮົ້ວກີດຂວາງໃຫຍ່ຕໍ່ການທຳທຸລະກຳໂອນເງິນ ເພື່ອໄດ້ສະໜອງສະບຽງອາຫານ ແລະ ຢຸກຢາ ແລະນີ້ແມ່ນໂທດກຳໜຶ່ງ ແລະ ໄຮ້ມະນຸດສະທຳ”.  ນັ້ນແມ່ນຄຳຖະແຫຼງຂອງທ່ານປະທານາທິບໍດີ ອີຣານ Hassan Rouhani ທີ່ໄດ້ຍົກອອກມາໃນວັນທີ 9 ຕຸລາ ເມື່ອຕີລາຄາກ່ຽວກັບບັນດາມາດຕະການຮັດກຸມການລົງໂທດຂອງ ວໍຊີງຕັນ.

        ການນຳ ອີຣານ ໄດ້ຍົກອອກຄຳຖະແຫຼງດັ່ງກ່າວ ພາຍຫຼັງໜຶ່ງວັນ ທີ່ກະຊວງການເງິນ ອາເມລິກາ ປະກາດຈັດວາງຄຳສັ່ງລົງໂທດໃໝ່ ເລັ່ງໃສ່ທະນາຄານ 18 ແຫ່ງຂອງ ອີຣານ, ເພື່ອແນໃສ່ ສະກັດກັ້ນ ອີຣານ ໃຫ້ສຳຜັດກັບລະບົບທະນາຄານທົ່ວໂລກ. ເຖິງຢ່າງໃດກໍຕາມ, ກະຊວງການເງິນ ອາເມລິກາ ກໍໃຫ້ຮູ້ວ່າ ບັນດາຄຳສັ່ງຫ້າມນີ້ ບໍ່ໄດ້ຈັດວາງສຳລັບບັນດາການແລກປ່ຽນສະໜອງສິນຄ້າກະສິກຳ, ສະບຽງອາຫານ, ຢຸກຢາ ແລະ ບັນດາອຸປະກອນການແພດ ໃຫ້ແກ່ ອີຣານ.