ທ່ານນາຍົກລັດຖະມົນຕີ ຫວຽດນາມ ຫາກໍ່ເຊັນຂໍ້ຕົກລົງອະນຸມັດຜ່ານແຜນຮ່າງໝູນໃຊ້ເຕັກໂນໂລຊີຂໍ້ມູນຂ່າວສານ - ສື່ສານໃນລະບົບສະຖິຕິແຫ່ງລັດໄລຍະ 2017 – 2025, ວິໄສທັດຮອດປີ 2030. ຕາມນັ້ນແລ້ວ, ຄາດໝາຍແມ່ນຮອດປີ 2020, ຈະສ້າງລະບົບຂໍ້ມູນຂ່າວສານສະຖິຕິແຫ່ງຊາດ, ເຊື່ອມຕໍ່ກັບລະບົບຂໍ້ມູນຂ່າວສານກ່ຽວກັບສະຖິຕິຂອງກະຊວງ, ຂະແໜງການ, ທ້ອງຖິ່ນເທື່ອລະກ້າວ; ສ້າງພື້ນຖານຂໍ້ມູນຂ່າວສານສະຖິຕິແຫ່ງລັດບົນພື້ນຖານການສຳຫຼວດປະຊາກອນ ແລະ ເຮືອນຢູ່ຄັ້ງໃຫຍ່ປີ 2019, ຂໍ້ມູນຂ່າວສານກ່ຽວກັບບັນດາການສຳຫຼວດສະຖິຕິຄັ້ງໃຫຍ່ອື່ນໆ ແລະ ແຫຼ່ງຂໍ້ມູນຂ່າວສານຂອງບາງກະຊວງ, ຂະແໜງການທີ່ໄດ້ຮັບການເຊື່ອມຕໍ່, ແບ່ງປັນກັບລະບົບຂໍ້ມູນຂ່າວສານຂອງກົມໃຫຍ່ສະຖິຕິ. ຮອດປີ 2025, ແຜນຮ່າງຈະປະຕິບັດສຳເລັດລະບົບຂໍ້ມູນຂ່າວສານສະຖິຕິຂອງລັດ ແລະ ລະບົບຂໍ້ມູນຂ່າວສານສະຖິຕິແຫ່ງລັດສຸມໃສ່, ເປັນເອກະພາບຕາມຂໍ້ກຳນົດຂອງກົດໝາຍວ່າດ້ວຍສະຖິຕິ, ນຳໃຊ້ 85% ບັດສຳຫຼວດເອເລັກໂຕນິກ ໃນການສຳຫຼວດຄັ້ງໃຫຍ່ດ້ານເສດຖະກິດ ປີ 2021 ແລະ ນຳໃຊ້ 90% ໃນການສຳຫຼວດດ້ານອື່ນໆອີກ…