(vovworld) - ວັນ​ທີ 12/2, ຢູ່​ນະຄອນຫຼວງ Jakarta, ກະຊວງ​ການ​ຕ່າງປະ​ເທດ ອິນ​ໂດ​ເນ​ເຊຍ ​ໄດ້​ຈັດ​ຕັ້ງ​ກອງ​ປະຊຸມ​ສຳ​ມະ​ນາ​ວ່າ​ດ້ວຍ​ຫົວ​ຂໍ້ “ອາ​ຊຽນ ສືບຕໍ່ຮັກສາ ​ແມ່ນ​ພາກ​ພື້ນ ປອດນິວ​ເຄຼຍ”. ກ່າວ​ຄຳ​ເຫັນ​ນະ​ທີ່​ນີ້, ທ່ານ​ເລຂາທິການ​ໃຫຍ່ ອາ​ຊຽນ ​ເລ​ເລືອ​ງມິນ ​ໄດ້​ຢືນຢັນ​​ເຖິງ​ຄຳ​ໝັ້ນ​ສັນຍາ​ຂອງ ອາ​ຊຽນ ກ່ຽວ​ກັບ​ພາກ​ພື້ນ ອາຊີ - ຕາ​ເວັນ​ອອກສຽງ​ໃຕ້​ປອດ​ອາວຸດ ນິວ​ເຄຼຍ, ຄວາມ​ຈຳ​ເປັນ​ເພີ່​ມທະວີ​ບັນດາ​ສາຍສຳພັນ ​ແລະ ກຳລັງ​ແຮງ​ສັງ​ລວ​ມລະຫວ່າງ​ບັນດາ​ຄວາມ​ມານະ​ພະຍາຍາມ​ໃນ​ພາກ​ພື້ນ ​ແລະ ທົ່ວ​ໂລກ ກ່ຽວກັບ​ບັນຫາ​ບໍ່​ແຜ່​ຂະຫຍາຍ​ອາວຸດ​ນິວ​ເຄຼຍ. ທ່ານ​ເລຂາທິການ​ໃຫຍ່ ອາ​ຊຽນ ​ເລ​ເລືອ​ງມິນ ຊີ້​ແຈ້ງວ່າ: ດ້ວຍ​ການ​ເຊັນ ສົນທິສັນຍາ​ພາກ​ພື້ນ ອາ​ຊຽນ ປອດ​ອາວຸດ​ນິວ​ເຄຼຍ ​ເມື່ອ​ເດືອນ 12/1995, ບັນດາ​ປະ​ເທດ ສະມາຊິກ ອາ​ຊຽນ ​ໄດ້​ໝັ້ນ​ໝາຍ​ຫຼຸດຜ່ອນ ​ແລະ ບໍ່​ແຜ່​ຂະຫຍາຍ​ອາວຸດ​ນິວ​ເຄຼຍ ​ແລະ ຄຳ​ໝັ້ນ​ສັນຍາ​ນີ້​ສືບ​ຕໍ່​ໄດ້​ຮັບ​ການ​ຢັ້ງຢືນດ້ວຍ​ເລື່ອງ​ກົດ​ບັດ​ອາ​ຊຽນ ມີ​ຜົນ​ບັງຄັບ​ໃຊ້.