ທ່ານເລຂາທິການໃຫຍ່ ອາຊຽນ Kao Kim Hourn (ພາບ:ASEAN)

ວັນທີ 6 ມີນາ ທ່ານເລຂາທິການໃຫຍ່ ອາຊຽນ Kao Kim Hourn ໃຫ້ຮູ້ວ່າບັນດາການນຳອາຊຽນ ແລະ ຍີ່ປຸ່ນ ຈະຍົກລະດັບການພົວພັນຂຶ້ນເປັນ “ຄູ່ຮ່ວມມືຍຸດທະສາດຮອບດ້ານ” ຢູ່ກອງປະຊຸມສຸດຍອດພິເສດ ທີ່ນະຄອນຫຼວງໂຕກຽວ ໃນເດືອນທັນວາ ປີນີ້, ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງສາຍພົວພັນມິດຕະພາບ ແລະ ການຮ່ວມມືສອງຝ່າຍ ຄົບຮອບ 50 ປີ (1973-2023), ຕອບສຳພາດນັກຂ່າວສຳນັກຂ່າວສານ Kyodo, ທ່ານ Kao Kim Hourn ຢັ້ງຢືນວ່າ: ໄດ້ມີກອງປະຊຸມປຶກສາຫາລືຫຼາຍຄັ້ງ (ກ່ຽວກັບແຜນຍົກລະດັບ) ແລະ ຍີ່ປຸ່ນ ຄ່ອງຄອຍເຫດການນີ້ (ໃນກອງປະຊຸມສຸດຍອດພິເສດ) ຢູ່ນະຄອນຫຼວງໂຕກຽວ ໃນເດືອນທັນວາ;

        ໃນໄລຍະໄກ້ໆນີ້ ຍີ່ປຸ່ນໄດ້ພະຍາຍາມເພີ່ມທະວີການພົວພັນກັບ ອາຊຽນ. ທ່ານ Kao ໄດ້ເນັ້ນໜັກວ່າ: ດ້ວຍການຍົກລະດັບການພົວພັນ, ອາຊຽນ ປາດຖະໜາເພີ່ມທະວີການຮ່ວມມືໃນບັນດາຂົງເຂດເຊັ່ນ ປັບປຸງເຕັກໂນໂລຊີ, ພົວພັນແລກປ່ຽນປະຊາຊົນ ແລະ ຮ່ວມມືວັດທະນະທຳກັບ ຍີ່ປຸ່ນ. ທ່ານ Kao ໄດ້ສະແດງຄວາມປາດຖະໜາວ່າ ຍີ່ປຸ່ນ ຈະສະໜອງທຶນການສຶກສາຫຼາຍທຶນໃຫ້ພົນລະເມືອງບັນດາປະເທດ ອາຊຽນ ຕື່ມອີກ.