(vovworld) – ກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 47 (AEM 47) ແລະ ບັນດາກອງປະຊຸມທີ່ກ່ຽວຂ້ອງຖືກດຳເນີນໄປໃນຕອນເຊົ້າວັນທີ 22/08, ຢູ່ນະຄອນຫຼວງ ກົວລາລຳເປີ, ປະເທດມາເລເຊຍ. ຄະນະຜູ້ແທນຫວຽດນາມ ໂດຍທ່ານລັດຖະມົນຕີວ່າການກະຊວງອຸດສາຫະກຳ, ການຄ້າ ຫງວຽນເກີມຕຸ໋ ນຳໜ້າ, ກ່າວຄຳເຫັນໄຂກອງປະຊຸມ, ທ່ານລັດຖະມົນຕີວ່າການກະຊວງການຄ້າ ແລະ ອຸດສາຫະກຳມາເລເຊຍ Mistapa Mohamed ເນັ້ນໜັກວ່າ, ກອງປະຊຸມ AEM 47 ແລະ ບັນດາກອງປະຊຸມທີ່ກ່ຽວຂ້ອງ ຖືກດຳເນີນໄປໃນຈຸດເວລາສຳຄັນ ໃນວິວັດທະນາການມຸ່ງໄປເຖິງການສ້າງຕັ້ງປະຊາຄົມອາຊຽນ, ໃນນັ້ນມີປະຊາຄົມເສດຖະກິດ (AEC). ທ່ານໃຫ້ຮູ້ວ່າ, ໃນສະພາບການເມືອງ ແລະ ເສດຖະກິດທົ່ວໂລກ ພວມມີການຜັນແປຢ່າງສັບສົນ, ອາຊຽນ ປະສົບກັບສິ່ງທ້າທາຍຫຼາຍຢ່າງ ໃນຂະນະທີ່ຍັງເຫຼືອອີກ 3 – 4 ເດືອນເທົ່ານັ້ນ ຈະຮອດວັນສ້າງຕັ້ງປະຊາຄົມອາຊຽນ, ແຕ່ບັນດາປະເທດສະມາຊິກອາຊຽນ ຍັງຕັດສິນໃຈຜ່ານຜ່າຄວາມຫຍຸ້ງຍາກ, ເພື່ອຊຸກຍູ້ການຮ່ວມມືດ້ານເສດຖະກິດ ແລະ ອາຊຽນ ກໍກ້າວໄປເຖິງຈຸດໝາຍສ້າງຕັ້ງ AEC ໃນທ້າຍປີ 2015.