(vovworld) – ​​​​ເອກ​ອັກຄະ​ລັດຖະທູດ​ບັນດາ​ປະ​ເທດ​ອາ​ຊຽນ ສັງ​ກັດ​ຄະນະ​ກຳມະການ​ອາ​ຊຽນ ປະຈຳ Oslo (ACO) ຫາ​ກໍ​ມີ​ການ​ຢ້ຽມຢາມ​ນະຄອນ Bodo ​ໃນ​ລະຫວ່າງ​ວັນທີ 03 – 04/11, ​ເພື່ອ​ແນ​ໃສ່​ເພີ່ມ​ທະວີ​ການ​ຮ່ວມ​ມື​ທຸກ​ດ້ານ​ລະຫວ່າ​ງອາ​ຊຽນ ກັບ​ນ​ນອກ​​ແວ. ດ້ວຍ​ຖານະ​ເປັນ​ປະທານ ACO, ທ່ານ​ນາງເອກ​ອັກຄະ​ລັດຖະທູດ​ຫວຽດນາມ ປະຈຳນອກ​ແວ ​ເລ​ທິຕວຽດມາຍ ​ເນັ້ນ​ໜັກ​ວ່າ, ອາ​ຊຽນ ​ແລະ ນອກ​ແວ ມີ​​ໂອກາດ​ຮ່ວມ​ມື​ໃນ​ຫຼາຍ​ຂົງ​ເຂດ, ພິ​ເສດບັນດາ​ວິ​ສາ​ຫະກິດ 2 ຝ່າ​​ຍ​ໄດ້​ມີ​ຄວາມ​ສາມ​າດ​ບົ່ມຊ້ອນ​ຫຼາຍ​ຢ່າງ​ໃນ​ຂະ​​ແໜງ​ກະສິກຳລ້ຽງປູກ​ສິນ​ໃນ​ນ້ຳ, ​ເຕັກ​ໂນ​ໂລ​ຊີ​ໃນ​ການ​ເດີ​ນທະ​ເລ, ​ເຕັກ​ໂນ​​ໂລ​ຊີ​ຂໍ​້ມູນຂ່າວສານ ​ແລະ ສ່ືສານ… ທ່ານ​ນາງ​ເອກ​ອັກ​ຄະ​ລັດຖະທູດ ​ເລ​ທິຕວຽດມາຍ ​ເນັ້ນ​ໜັກ​ວ່າ, ບັນດາ​ເອກ​ອັກຄະ​ລັດຖະທູ​​ດອາ​ຊຽນ ປະຈຳ​ນອກ​ແວ ທັງ​ໝົດຍາມ​ໃດ​ກໍ​ກຽ​ມພ້ອ​ມ​ເປັນ​ຂົວ​ເຊື່ອມ​ຕໍ່​ລະຫວ່າງ Bodo ​ແລະ ​ເຂດ Nordland ກັບ​ບັນດາ​ຄູ່​ຮ່ວມ​ມື​ຢູ່​ບັນດາ​ປະ​ເທດ​ອາ​ຊຽນ, ​ໃນ​ນັ້ນ​ມີ​ການ​ເຊື່ອມ​ຕໍ່ການ​ດຳ​ເນີນ​ທຸລະ​ກິດ​ເພື່ອ​ຊຸກ​ຍູ​້ການ​ລົງທຶນ ​ແລະ ກາ​ນຄ​້າ.

      ​ເນື່ອງ​ໃນ​ໂອກາດ​ນີ້, ທ່ານ​ນາງ​ເອກ​ອັກ​ຄະ​ລັດຖະທູດ ​ເລ​ທິຕວຽດມາຍ ກໍ​ໄດ້​ເນັ້ນ​ໜັກ​​ເຖິງ​​ກາລະ​ໂອກາດ​ລົງທຶນ, ​ດຳ​ເນີນ​ທຸລະ​ກິດ​ຢູ່​ຫວຽດນາມ, ການ​​ເຊື່ອມ​ຕໍ່ ​ແລະ ຮ່ວມ​ມື​ລະ​ຫວ່າງ​ນະຄອນ Bodo ​ແລະ ​ເຂດ Nordland ກັບ​ບັນດາ​ຄູ່ຮ່ວມ​ມື​ຢູ່​ເຂດ​ພາກ​ຕ່າງໆ​ຂອງ​ຫວຽດນາມ.