(vovworld) – ​ ປະຈຸ​ບັນສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກ​ສ່ຽງ​ໃຕ້ (ອາ​ຊຽນ) ພວມ​ໄດ້​ຮັບ​ບຸລິມະສິດ​ໃນ​ນະ​ໂຍບາຍການ​ພົວພັນ​ຕ່າງປະ​ເທດ​ຂອງ ຢູ​ແກຼນ, ​ໃນ​ນັ້ນ ມີ​ບົດບາດ​ພົ້ນ​ເດັ່ນ​ແມ່ນການ​ພົວພັນ​ກັບ 2 ປະ​ເທດ ສິງກະ​ໂປ ​ແລະ ຫວຽດນາມ. ນັ້ນ​ແມ່ນການ​ຕີ​ລາຄາ​ຂອງ​ນັກ​ຄົ້ນຄວ້າ E.Barshevskiy ຂຶ້ນ​ກັບ​ມະຫາວິທະຍາ​ໄລ​ສັງ​ລວມ Petro Moghili ຢູ່ທະ​ເລ​ດຳ. ຕາມ​ທ່ານ Barshevskiy ​ແລ້ວ, ​ໃນ​ການ​ພົວພັນ​ກັບ ອາ​ຊຽນ, ຫວຽດນາມ ຂຶ້ນ​ກັບ​ກຸ່ມ​ບັນດາ​ປະ​ເທດ​ຕົ້ນຕໍ​ສົ່ງ​ອອກ​ໄປ​ຍັງ ຢູ​ແກຼນ ບັນດາ​ປະ​ເພດສິນຄ້າ​ໃຊ້​ສອຍ ​ແລະ ນຳ​ເຂົ້າ​ບັນດາ​ພາຫະນະ, ​ເຄື່ອງ​ຈັກ​ອຸດສາຫະກຳ ​ແລະ ການທະຫານ. ​ນອນ​ໃນ​ກຸ່ມ​ກັບ ຫວຽດນາມ ຍັງ​ມີ ລາວ​, ກຳປູ​ເຈຍ ​ແລະ ມຽນມາ. ​ໃນ​ນັ້ນ ຫວຽດນາມ ​​ໄດ້​ຮັບ​ຄວາມ​ສົນ​ໃຈ​ເປັນ​ພິ​ເສດ​ຂອງ ຢູ​ແກຼນ. ການ​ພົວພັນມິດຕະພາບ​ທີ່​ເປັນ​ມູນ​ເຊື້ອ ​ແລະ ການ​ຮ່ວມ​ມື​ຫລາຍ​ດ້ານ​ລະຫວ່າງ ຫວຽດນາມ ​ແລະ ຢູ​ແກຼນ ຍາມ​ໃດ​ກໍ່​ໄດ້​ຮັບ​ການ​ຮັກ​ສາ ​ແລະ ພັດທະນາ​ໃນ​ບັນດາ​ຂົງ​ເຂດ​ຄື: ການ​ເມືອງ, ​ເສດຖະກິດ, ການ​ຄ້າ, ການ​ລົງທຶນ, ການ​ສຶກສາ. ​ໃນ​ໄລຍະ​ຈະ​ມາ​ເຖິງ, ຝ່າຍ ຢູ​ແກຼນ​ ເອົາ​ໃຈ​ໃສ່ ​ແລະ ປາດ​ຖະໜາ​ຢາກ​ຊຸກຍູ້​ການພັວພັນ 2 ຝ່າຍ​ກັບ ຫວຽດນາມ ​ໃນ​ບັນດາ​ຂົງ​ເຂດ​ຄື ​ເຕັກ​​ໂນ​ໂລ​ຢີ, ພິ​ເສດ​ແມ່ນ​ຂົງ​ເຂດ​ພະລັງງານ.